قارۋ-جاراق قويماسى ىلە اۋدانى, الماتى - وسكەمەن تاسجولىنىڭ بويىندا جاسىرىلعان, دەپ حابارلايدى Egemen.kz Polisia.kz سايتىنا سىلتەمە جاساپ.
ونى جەرگىلىكتى قىلمىستىق ىزدەستىرۋ ءبولىمىنىڭ قىزمەتكەرلەرى انىقتادى. قويمادان «مارلين» جانە Tikka مىلتىقتارى تابىلعان.
تەكسەرە كەلە, اتىس قارۋلارى الماتىداعى قارۋ-جاراق دۇكەندەرىنىڭ بىرىنەن قاڭتار ايىنداعى تارتىپسىزدىكتەر كەزىندە ۇرلانعانى بەلگىلى بولدى. ەكى كارابين دە بالليستيكالىق ساراپتاماعا جىبەرىلدى. تەرگەۋ اياقتالعاننان كەيىن قارۋ زاڭدى يەسىنە قايتارىلادى.
2022 جىلدىڭ باسىنان بەرى الماتى وبلىسىندا 200-گە جۋىق اتىس قارۋى تاركىلەنگەن.