شۆەتسيانىڭ اتىنان سىنعا ءتۇسىپ جۇرگەن شەشەن ۇلى حامزات چيماەۆ UFC 272 تۋرنيرىندە ءوزارا كىم مىقتىنى انىقتايتىن حورحە ماسۆيدال مەن كولبي كوۆينگتون اراسىنداعى جەكپە-جەكتە كىمنىڭ فاۆوريت ەكەنىن ايتتى, دەپ حابارلايدى Egemen.kz.
«مەنىڭ ويىمشا قىزىق كەزدەسۋ بولادى. ەكەۋىنىڭ مۇمكىندىگى بىردەي بولعانىمەن, فاۆوريت ماسۆيدال دەپ ويلايمىن. بۇل شايقاستىڭ ماعان قاتىسى جوق. ويتكەنى مەن بەرنسكە قارسى شىعامىن. سودان كەيىن وسى جەكپە-جەكتىڭ جەڭىمپازىمەن كەزدەسەمىن دەگەن ويدامىن. ول جەكپە-جەكتە الەمنىڭ ۋاقىتشا چەمپيونى اتاعى ساراپقا سالىنۋى ءتيىس», دەدى حامزات چيماەۆ ءوز ويىن تۇيىندەپ.