بۇگىن كەڭەس اسكەرلەرىنىڭ اۋعانستان اۋماعىنان شىعارىلعانىنا 33 جىل تولۋىنا وراي ەلوردادا اۋعانستاندا ينتەرناتسيونالدىق بورىشىن ورىنداۋ كەزىندە قازا تاپقان قازاقستاندىقتارعا ارنالعان مەموريالدا سالتاناتتى ءىس-شارا ءوتتى, دەپ جازادى Egemen.kz.
ءىس-شاراعا 100-گە جۋىق ادام قاتىستى. ولاردىڭ قاتارىندا اۋعان سوعىسىنىڭ ارداگەرلەرى, قازا تاپقان جاۋىنگەرلەردىڭ تۋىستارى, ۇقك شەكارا قىزمەتىنىڭ جانە قر قورعانىس مينيسترلىگىنىڭ باسشىلىعى مەن اسكەري قىزمەتشىلەرى, سونداي-اق قالا اكىمدىگىنىڭ وكىلدەرى بار.
سوندايا-اق ينتەرناتسيوناليست جاۋىنگەرلەردى ەسكە الۋ شاراسى الماتى وبلىسىندا دا ۇيىمداستىرىلدى. وندا 28 پانفيلوۆشىلار ساياباعىندا مونۋمەنتكە گۇل شوقتارى قويىلدى. جينالىستا شەكارا قىزمەتىنىڭ قۇرمەتتى ارداگەرى, گەنەرال-مايور توقتاسىن بۇزۋباەۆ ءسوز سويلەدى.
شق اتىراۋ, قىزىلوردا, ماڭعىستاۋ, تۇركىستان, سولتۇستىك قازاقستان جانە باتىس قازاقستان وبلىستارى بويىنشا دەپارتامەنتتەرىندە دە قازا تاپقان اسكەري قىزمەتشىلەردى ەسكە الۋ شاراسى بولىپ ءوتتى.