تۇركىمەنستان باسشىسى گۋربانگۋلى بەردىمۇحامەدوۆتىڭ ۇلى سەردار 12 ناۋرىزدا وتەتىن سايلاۋدا رەسپۋبليكا پرەزيدەنتتىگىنە كانديدات رەتىندە ۇسىنىلدى, دەپ حابارلايدى Egemen.kz.
بۇل تۋرالى Salam News اگەنتتىگى اقپارات تاراتتى.
«بۇگىن تۇركىمەنستاننىڭ قوعامدىق ۇيىمدارىنىڭ ورتالىعىندا تۇركىمەنستان دەموكراتيالىق پارتياسىنىڭ كەزەكتەن تىس IX سەزى ءوتتى. ونىڭ كۇن تارتىبىنە سايكەس تۇركىمەنستان پرەزيدەنتتىگىنە مينيسترلەر كابينەتى توراعاسىنىڭ ورىنباسارى سەردار گۋربانگۋلى ۇلى بەردىمۇحامەدوۆتىڭ كانديداتۋراسى ۇسىنىلدى», دەلىنگەن كەشە كەشكىلىك تاراتىلعان حابارلامادا.
سەزگە قاتىسۋشىلار سەردار بەردىمۇحامەدوۆتىڭ ءسوزىن تىڭداپ, ونىڭ ەل پرەزيدەنتتىگىنە كانديداتۋراسىن قولدادى.