قاڭتار وقيعاسىنىڭ سالدارى الماتى وبلىسىن دا اينالىپ وتپەدى. ب ۇلىك كەزىندە ايماقتا 758 ادام زارداپ شەككەن بولاتىن. ونىڭ ىشىندە 643 پوليتسيا قىزمەتكەرى, 78 اسكەري قىزمەتشى جانە 37 بەيبىت تۇرعىن بار. وقيعا ورتاسىندا بولعان ءتارتىپ ساقشىلارىنىڭ كوپشىلىگى جەڭىل جاراقات العان, دەپ جازادى Egemen.kz.
الايدا, وڭىردە ب ۇلىك سالۋشىلاردى انىقتاپ, جازالاۋ ماقساتىندا جۇرگىزىلىپ جاتقان قۇقىقتىق شارالار بارىسىندا اسىرا سىلتەۋ ورىن الىپ, بەيبىت شەرۋگە قاتىسۋشىلاردى ازاپتاۋ دەرەگى دە تىركەلىپ وتىر. وكىنىشكە قاراي, ءتارتىپ ساقشىلارى تاراپىنان ازاپتالعان ادامدار قاتارى تالدىقورعان قالاسىندا كوبەيىپ كەلەدى. قازىر قوعامنىڭ نازارىن اۋدارىپ وتىرعان ازامات باتىرباەۆتىڭ جاعدايى ءالى ءماز ەمەس.
قاڭتارداعى وقيعا كەزىندە تالدىقورعان قالاسىنداعى ورتالىق الاڭعا شەرۋگە شىعىپ, سول ماڭداعى ەلباسى نۇرسۇلتان نازارباەۆتىڭ ەسكەرتكىشىن قۇلاتۋعا قاتىسقانى ءۇشىن تۇتقىنعا الىنعان ازاماتتى پوليتسەيلەر ۇرىپ, سوعىپ ابدەن قيناعان بولاتىن. كۇدىكتىنىڭ ارقاسىنا قىزعان ۇتىك باسىپ, ازاپتاۋ دەرەگىنە قاتىستى بۇگىندە قىلمىستىق ءىس قوزعالعان. ول ءىستى سىبايلاس جەمقورلىققا قارسى كۇرەس قىزمەتىنىڭ تەرگەۋشىلەرى تەكسەرىپ جاتىر.
ال باتىرباەۆتىڭ قورعاۋشىسى باۋىرجان ازانوۆ جابىرلەنۋشىنىڭ تەرگەۋ ۇستىندە ءوزىن اياۋسىز ازاپتاپ, دەنەسىن ۇتىكپەن كۇيدىرگەن ءتارتىپ ساقشىلارىن بەتتەستىرۋ كەزىندە تانىعانىن ايتادى. دەمەك, مەملەكەت باسشىسىنىڭ پارمەنىمەن باستالعان ادىلدىك پەن قىلمىستىڭ ارا-جىگىن زاڭعا سايكەس انىقتاۋ جۇمىسى ەندى وڭ باعىتقا ويىساتىنى ءسوزسىز.
ەل ىشىندەگى جاعدايعا كەلسەك, قازىر پروكۋراتۋرانىڭ ارالاسۋىمەن 33 ادام وبلىستاعى تەرگەۋ جانە ۋاقىتشا ۇستاۋ يزولياتورلارىنان بوساتىلدى. ونىڭ ىشىندە كامەلەت جاسىنا تولماعان 8 ءجاسوسپىرىم بار.
جالپى, قاڭتار وقيعاسىنا قاتىستى تالدىقورعان وڭىرندە 88 ادام قاماۋعا الىنعان. بۇگىنگە دەيىن وسى ۇستالعانداردىڭ ارەكەتىنە قۇقىقتىق باعا بەرىلىپ, الپىستان استام تۇلعاعا قاتىستى ءىس جەڭىلدەتىلگەن. ولاردىڭ دەنىنە قوعامنان وقشاۋلاۋ بابىنان تىس ءتۇرلى بۇلتارتپاۋ شارالارى قولدانىلىپ وتىر ەكەن.
«بۇلتارتپاۋ شاراسى جەكە باسىن, جاسىن, دەنساۋلىق جاعدايىن, قاتىسۋ دارەجەسىن, ارەكەتكە قاتىناسىن جانە باسقا دا سيپاتتايتىن مالىمەتتەردى مۇقيات زەرتتەگەننەن كەيىن تاڭدالدى. ءىس-ارەكەتتەرىندە قىلمىستى اۋىرلاتاتىن ءمان-جايلار جوق ادامدارعا جازانى جەڭىلدەتۋ بولىگىندە مەملەكەت باسشىسىنىڭ تاپسىرماسىن ورىنداۋ ماقساتىندا شارالار قابىلدانۋدا. مۇندا ءاربىر قۇقىق بۇزۋشىعا جەكە ءمان بەرىپ وتىرمىز. سيپاتى مەن ساناتىنىڭ اۋىرلىعى باعالاندى», دەيدى الماتى وبلىسى پروكۋرورىنىڭ مىندەتىن اتقارۋشى راشيد ءامىروۆ.
جالپى, الماتى وبلىسىندا قاڭتار وقيعاسى بويىنشا بارلىعى 409 قىلمىستىق ءىس تەرگەلۋدە, ونىڭ ىشىندە 158 ءىس ۇرلىققا قاتىستى, 191 ءىس قارۋدى زاڭسىز ساقتاۋعا وراي, 11 ءىس تەرروريزمگە قاتىستى, 3 ءىس جاپپاي تارتىپسىزدىك بابى بويىنشا جانە 3 ءىس كىسى ءولتىرۋ بابىنا قاتىستى قوزعالعان.
ال تەرگەۋ ناتيجەلەرى بويىنشا جازانى جەڭىلدەتۋ ماقساتىندا 93 اپەللياتسيالىق ءوتىنىشحات ەنگىزىلىپ, سوت تاراپى پروكۋروردىڭ اكتىلەرىن قاناعاتتاندىرىپتى. نتايجەسىندە 71 تۇلعا قاماۋدان بوساتىلىپ, 22 ادامعا سالىنعان ايىپپۇل ەسكەرتۋگە اۋىستىرىلدى. پروكۋراتۋرانىڭ دەرەگىنە سەنسەك, قازىر وبلىس اۋماعىندا اكىمشىلىك ءىس بويىنشا قاماۋدا وتىرعان ادامدار جوق ەكەن.
ايتپاقشى, ۇستالعانداردى ازاپتاۋعا قاتىستى قوزعالعان قىلمىستىق ءىستى سىبايلاس جەمقورلىققا قارسى كۇرەس قىزمەتى جۇرگىزىپ جاتقانى بەلگىلى. بۇگىندە ءدال وسى باپ بويىنشا 37 قىلمىستىق ءىس قوزعالىپ, تەرگەلۋدە.
«سىبايلاس جەمقورلىققا قارسى كۇرەس قىزمەتىنە كەلىپ تۇسكەن جابىرلەنۋشىلەردىڭ وتىنىشتەرىندە قۇقىق قورعاۋ ورگاندارىنىڭ قىزمەتكەرلەرى تاراپىنان ازاپتاۋعا ۇشىراعانى جايىندا ايتىلعان. ياعني, ولاردىڭ بارلىعىندا ءتارتىپ ساقشىلارى قاڭتار وقيعاسىنا قاتىستى ىلمىستىق ىستەردى تەرگەۋ كەزىندە جابىرلەنۋشىلەرگە قاتىستى قىلمىس جاسادى دەپ تانۋ ماقساتىندا ازاپتاۋلار جاساعانى باياندالعان. پوليتسيا جانە باسقا دا قۇقىق قورعاۋ ورگاندارى قىزمەتكەرلەرىنىڭ ارەكەتتەرىنە قاتىستى قورعاۋشىلار, تۋىستارى, اتا-انالارى جانە جابىرلەنۋشىلەردىڭ وزدەرى ءوتىنىش ءبىلدىردى. سونىمەن قاتار, كۇن سايىن قاجەتتى تەرگەۋ ارەكەتتەرى جۇرگىزىلەتىن باق مونيتورينگى جاسالۋدا. قازىرگى ۋاقىتتا تەرگەۋدىڭ جان - جاقتىلىعىن قامتاماسىز ەتۋ ءۇشىن بىرقاتار تەرگەۋ امالدارى جۇرگىزىلۋدە», دەيدى سىبايلاس جەمقورلىققا قارسى قىزمەتى الماتى وبلىسىتىق دەپارتامەنتى باسشىسىنىڭ ورىنباسارى دۋلات مادياروۆ.