قازاقستاننىڭ كاسىپقوي فۋتبول ليگاسى جاڭا ماۋسىمداعى قازاقستان پرەمەر-ليگاسىنىڭ كۇنتىزبەلىك كەستەسىن جاريالادى, دەپ حابارلايدى Egemen.kz.
جاڭا ماۋسىم قوستانايدىڭ «توبىلى» مەن الماتىنىڭ «قايراتى» اراسىنداعى ويىنمەن باستالادى. كوماندالار 2 ناۋرىز كۇنى قازاقستان سۋپەركۋبوگىنە تالاسادى. سونداي-اق بىتىسپەس قارسىلاستار «استانا» مەن الماتىنىڭ «قايرات» فۋتبول كلۋبتارى قاشان كەزدەسەتىنى بەلگىلى بولدى. 14 مامىر كۇنى ەلوردالىق كوماندا «قايراتتى» ءوز الاڭىندا قابىلداسا, كوماندالار ەكىنشى رەت الماتىدا 15 قازان كۇنى كەزدەسەدى. قازاقستان پرەمەر-ليگاسىنىڭ كەزەكتى ماۋسىمى 6 قاراشا كۇنى اياقتالادى.