فريستايل-اكروباتيكادان قازاقستان كومانداسىنىڭ مۇشەسى اقمارجان قالمۇرزاەۆا وليمپيادانى 11-ورىنمەن اياقتادى, دەپ جازادى Egemen.kz قر ۇلتتىق وليمپيادا كوميتەتىنە سىلتەمە جاساپ.
قازاقستاندىق سپورتشى ىرىكتەۋ قورىتىندىسى بويىنشا فريستايل-اكروباتيكادان ءبىرىنشى فينالعا ءوتىپ, توپ-12 سپورتشىنىڭ قاتارىنا ەنگەن بولاتىن.
وكىنىشكە قاراي, فينالدا اقمارجان ىرىكتەۋدەگى ناتيجەسىن قايتالاي العان جوق. العاشقى مۇمكىندىگىندە سەكىرۋ ەلەمەنتتەرىن ورىنداپ, جەرگە تۇسكەندە قۇلاپ قالدى. تورەشىلەر 52.36 ۇپاي بەردى.
ەكىنشى مۇمكىندىگىندە قالمۇرزاەۆا 71.23 ۇپاي الىپ, جالپى ەسەپتە 11-ءى ورىنعا تابان تىرەدى.