ەلوردادا جاڭا اقىلى تۇراقتار ىسكە قوسىلادى

«1 ناۋرىزدان باستاپ نومىرلەنۋى 11*, 2*, 3*, 4* دەپ باستالاتىن تۇراق ايماقتارى شتاتتىق رەجيمدە جۇمىس ىستەيدى. تولەم - ساعاتىنا 100 تەڭگە. تۇراق ورنى ءۇشىن تولەمدى العاشقى 30 مينۋت ىشىندە ەنگىزۋ كەرەك», دەلىنگەن استانا تۇراق كەڭىستىگىنىڭ رەسمي حابارلاماسىندا.

مامانداردىڭ ايتۋىنشا, قازىرگى كەزدە جاڭا تۇراقتار تەست رەجيمىندە جۇمىس ىستەيدى. ال كەلەسى ايدان باستاپ تولەم جاساماعان كولىكتەرگە اۆتوماتتى تۇردە ايىپپۇل سالىنادى.

بۇگىندە قالانىڭ ءاربىر اۋدانىندا 11*, 2*, 3* جانە 4* دەپ نومىرلەنگەن اقىلى تۇراقتار بار. ولاردىڭ ورنالاسقان جەرىن كارتادان كورۋگە بولادى. 

ايتا كەتەرى, تولەنگەن ۋاقىت ءوتىپ كەتكەننەن كەيىن 10 مينۋت ىشىندە اقىلى اۆتوتۇراقتان شىعىپ كەتۋ كەرەك. ايتپەسە, ايىپپۇل سالىنادى. 

زاڭ بويىنشا ايىپپۇلدىڭ كولەمى 3 ايلىق ەسەپتىك كورسەتكىشتى (9 189 تەڭگە) قۇرايدى. ءبىر اپتانىڭ ىشىندە 50 پايىزىن تولەۋگە بولادى. ايىپپۇل تولەۋدىڭ بىرنەشە جولى بار: 

egov.kz قوسىمشاسى; 

kaspi.kz قوسىمشاسى; 

halykbank.kz قوسىمشاسى; 

qamqor.gov.kz سايتى; 

بانكتەردىڭ ەسەپ ايىرىسۋ-كاسسالىق بولىمشەلەرى.