قر ءبىلىم جانە عىلىم مينيسترلىگى 2022 جىلعى 9 اقپانداعى بۇيرىعىمەن ۇلتتىق بىرىڭعاي تەستىلەۋدى وتكىزۋ قاعيدالارىنا وزگەرىستەر ەنگىزىلگەنىن حابارلادى, دەپ جازادى Egemen.kz.
اتاپ ايتقاندا, وزگەرىستەر ۇبت-عا قاتىسۋعا ءوتىنىش بەرۋ مەرزىمدەرىنە جانە ۇبت وتكىزۋ مەرزىمدەرىنە قاتىستى.
تەستىلەۋگە الىپ جۇرۋگە تىيىم سالىنعان زاتتار مەن قۇرىلعىلاردىڭ ءتىزىمى كەڭەيتىلدى.
بۇل ءموبيلدى بايلانىس قۇرالدارى (ۇيالى تەلەفوندار, پلانشەتتەر, iPad (Ipad), iPod (iPod), سمارتفوندار, راتسيالار, نوۋتبۋكتەر, پلەيەرلەر, مودەمدەر ء(موبيلدى مارشرۋتيزاتورلار), سمارت-ساعات, سىمدى قۇلاققاپتار, سىمسىز, ميكرو-قۇلاقاسپاپتار, سىمسىز بەينەكامەرالار, GPS (دجيپيەس) ناۆيگاتورلار, GPS (دجيپيەس) ترەكەرلەر, قاشىقتان باسقارۋ قۇرالدارى جانە باسقا اقپارات الماسۋ قۇرىلعىلارى.
تەستىلەۋدى باستاۋ ءۇشىن تالاپكەرگە:
تەستىلەۋ جۇيەسىنە كىرۋ ءۇشىن لوگين مەن ءپارولدى كورسەتۋ; كومپيۋتەردە ورناتىلعان الدىڭعى كامەرالار ارقىلى ادام بەتىنىڭ كولەمدىك-كەڭىستىكتىك فورماسىن اۆتوريزاتسيالاۋدان ءوتۋ; «ۇبت تەستىلەۋ» ينتەرفەيسىن اشۋ; تەستىلەۋدى تاپسىرۋ ءتىلىن تاڭداۋ, بۇل رەتتە تەستىلەۋ باستالعاننان كەيىن تەستىلەۋدى تاپسىرۋ ءتىلى وزگەرمەيدى; بەيىندىك پاندەر كومبيناتسياسىن تاڭداپ, دۇرىس تاڭداۋدى راستاۋ; ۇبت تاپسىرۋعا كىرىسۋ.تەستىلەۋ جۇيەسىنە ءاربىر شىعۋ جانە كىرۋ كەزىندە كومپيۋتەردە ورناتىلعان الدىڭعى كامەرالار ارقىلى تۇسۋشىلەر ادام بەتىنىڭ كولەمدىك-كەڭىستىكتىك نىسانىن اۆتوريزاتسيالاۋدان وتەدى.
سونداي-اق, ۇبت وتكىزۋ پۋنكتىندە ەلەكتر قۋاتى وشىرىلگەن جاعدايدا نەمەسە تەستىلەۋ جازباسى جۇرگىزىلمەيتىن باسقا دا فورس-ماجورلىق جاعدايلار كەزىندە تەستىلەۋ توقتاتىلا تۇرادى (توقتاتىلادى) جانە تەستىلەۋ پروتسەسىن توقتاتا تۇرۋ جانە اۋىستىرۋ تۋرالى اكت جاسالا وتىرىپ, باسقا كۇنگە اۋىستىرىلادى.
بۇل رەتتە قاعيدالار تەستىلەۋ پروتسەسىن توقتاتا تۇرۋ جانە اۋىستىرۋ تۋرالى اكت جاساۋدىڭ جاڭا نىسانىمەن تولىقتىرىلدى.
تەستىلەۋ پروتسەسىن توقتاتا تۇرۋ جانە اۋىستىرۋ تۋرالى اكتىنى تەستىلەۋ اكىمشىسى مەن وڭىرلىك مەملەكەتتىك كوميسسيا بىرلەسىپ جاسايدى.
تەستىلەۋ باستالعاننان 120 مينۋت وتكەن سوڭ بەرىلەتىن ءۇزىلىس 15 مينۋتتان 3 مينۋتقا دەيىن قىسقارتىلدى.
مۇگەدەك بالالار مەن مۇگەدەكتەرگە (كورۋ, ەستۋ, تىرەك-قيمىل اپپاراتىنىڭ فۋنكتسيالارى بۇزىلعان) تەستىلەۋ ءۇشىن قوسىمشا 40 مينۋت بەرىلەدى.
ەسكە سالا كەتسەك, تەستىلەۋدىڭ ادەتتەگى ۇزاقتىعى - 240 مينۋت.
بارلىق ەنگىزىلگەن وزگەرىستەردى كورسەتىلگەن سىلتەمە ارقىلى كورۋگە بولادى.