ۆەنەسۋەلالىق سپورت ءجۋرناليسى ءارى ساراپشى گابريەل گارسيا جارتىلاي اۋىر سالماقتاعى WBA (super) بەلدىگىنىڭ يەگەرى دميتري بيۆول مەن وتانداسىمىز گەننادي گولوۆكيننىڭ مەكسيكالىق ساۋل الۆارەستى جەڭۋ مۇمكىندىگى تۋرالى ويىمەن ءبولىستى, دەپ حابارلايدى Egemen.kz sports.kz-كە سىلتەمە جاساپ.
«ساۋل «كانەلو» الۆارەس ەكەۋىن دە جەڭەدى. دميتري بيۆول دەڭگەيى جوعارى كاسىپقوي بوكسشى ەكەنى ءمالىم. دەنەسى دە ءىرى. الايدا ونىڭ تەحنيكالىق شەبەرلىگى «كانەلوعا» ساي ەمەس. گەننادي گولوۆكين ءساۋىر ايىندا 40 جاسقا تولادى. ول الۆارەسپەن ەرتەرەك كەزدەسۋى كەرەك ەدى. ءدال قازىر مۇمكىندىگى جوق دەسە تە بولادى. ارينە, كاسىپقوي بوكستا ءبارى مۇمكىن. ايتكەنمەن, الۆارەس مىقتى», دەيدى ول.