اسا جەڭىل سالماقتا باق سىناپ جۇرگەن قازاقستاندىق ارالاس جەكپە-جەك شەبەرى سەرگەي موروزوۆ UFC-دە ءۇشىنشى جەكپە-جەگىن وتكىزىپ, ەكىنشى رەت جەڭىلدى, دەپ حابارلايدى Egemen.kz.
اقش-تىڭ حيۋستون قالاسىندا وتكەن UFC ء271 تۋرنيرى اياسىندا قازاقستاندىق سپورتشى برازيليا ءۇمىتى دۋگلاس سيلۆا دە اندرادەگە قارسى وكتاگونعا شىقتى. سەرگەي موروزوۆ ءبىرىنشى كەزەڭدە قارسىلاسىنا قاراعاندا باسىم بولدى. ءتىپتى قارسىلاسىن ەسەڭگىرەتىپ تە العان ەدى. الايدا ەكىنشى راۋندتا ەس جيىپ العان دۋگلاس سيلۆا دە اندرادە كەزەڭ سوڭىنا قاراي موروزوۆتى قىلقىندىرۋ ادىسىمەن جەدەل جەڭدى. وسىلايشا UFC-دە ءۇشىنشى كەزدەسۋىن وتكىزگەن قازاقستاندىق سپورتشى ەكىنشى مارتە جەڭىلدى.