شىعىس قازاقستاندا اۆاريالىق-قۇتقارۋ جۇمىستارى جۇرگىزىلىپ, 50-دەن استام ادام ەۆاكۋاتسيالاندى, دەپ حابارلايدى Egemen.kz Semeynews.kz سايتىنا سىلتەمە جاساپ.
شقو تجد ءباسپاسوز قىزمەتىنىڭ حابارلاۋىنشا, 10 اقپاندا سۇلۋسارى اۋىلى تۇسىندا ۆاحتا جۇمىسشىلارىن تاسىمالدايتىن اۆتوبۋس سىنىپ, جولدا قالعان. اۆتوبۋس ىشىندە جۇمىسشىلار بولعان.
ءوب-32 قىزمەتكەرلەرى كۋنگ كولىگىمەن وقيعا ورنىنا جەتىپ, اۋداندىق پوليتسيا ءبولىمى جانە جەرگىلىكتى اتقارۋشى ورگانمەن بىرلەسىپ 53 ادامدى قالباتاۋ اۋىلىنا ەۆاكۋاتسيالادى جانە جۇمىسشىلار سول جەردەگى سپورت مەكتەبىنە ورنالاستىرىلدى.