رەسەيدىڭ سانكت-پەتەربۋرگ قالاسىندا WTA 500 ءتۋرنيرىنىڭ شىمىلدىعى ءتۇرىلدى. جۇلدە قورى 703 580 اقش دوللارىن قۇراعان جارىستا ەلەنا رىباكينا دا شەبەرلىك بايقاسۋدا.
ەلىمىزدىڭ ءبىرىنشى راكەتكاسى تۇساۋكەسەر كەزدەسۋىن ۆارۆارا گراچەۆاعا قارسى وتكىزدى. 21 جاستاعى ماسكەۋدىڭ تۋماسى بىلتىر رولان گارروس پەن اۋستراليانىڭ اشىق بىرىنشىلىگىندە ءۇشىنشى كەزەڭگە دەيىن جەتكەن. الەمدىك رەيتينگتە ول بۇل كۇندەرى 81-ورىندى ەنشىلەۋدە. بۇل باسەكەدە رىباكينانىڭ ۇستەمدىگى انىق بايقالدى. نەبارى 57 مينۋتقا سوزىلعان سايىس 6:2, 6:1 ەسەبىمەن جەرلەسىمىزدىڭ پايداسىنا شەشىلدى. كەشە ەلەنا تەرەزا مارتينتسوۆپەن كۇش سىناستى. WTA تىزىمىندە 42-ورىندا تۇرعان 27 جاستاعى چەحيا ويىنشىسىنىڭ ەڭ ۇزدىك كورسەتكىشى – 2021 جىلى ۋيمبلدوننىڭ ءۇشىنشى اينالىمىندا ونەر كورسەتۋى. العاشقى كەزەڭدە ول رەسەيلىك ۆەرا زۆونارەۆادان ايلاسىن اسىرعان-تىن.
ال نيدەرلاندتىڭ روتتەردام قالاسىندا ءوتىپ جاتقان اتر ءتۋرنيرىنىڭ العاشقى اينالىمىندا الەكساندر بۋبليك ۇلىبريتانيالىق تانىمال تەننيسشى ەندي ماررەيدەن 6:7, 4:6 ەسەبىمەن جەڭىلىپ قالدى.