الماتىدا قوعام وكىلدەرى پرەزيدەنت اكىمشىلىگى باسشىسىنىڭ ورىنباسارى ايدا بالاەۆامەن بىرگە ءتۇرلى مەملەكەتتىك باعدارلامالاردى جۇزەگە اسىرۋ, ۇەۇ جۇمىسى, قوعاممەن ءوزارا ءىس-قيمىل, مەملەكەتتىك ورگانداردىڭ كوممۋنيكاتسيا ساپاسىن ارتتىرۋ, مەملەكەت باسشىسىنىڭ نەگىزگى باستامالارىن ىسكە اسىرۋعا جۇرتشىلىقتى تارتۋ, سونداي-اق مەملەكەتتىك ءتىلدى ءتۇرلى سالالاردا قولدانۋ ماسەلەلەرىن تالقىلادى, دەپ حابارلايدى Egemen.kz.
قوعامنىڭ مەملەكەتتىك تىلگە دەگەن قاتىناسىن تالقىلاۋ - كەزدەسۋدىڭ ماڭىزدى ساتتەرىنىڭ ءبىرى بولدى. كەزدەسۋگە قاتىسقان جۇرتىشىلىق مەملەكەتتىك ءتىلدى بارشاعا ءبىلۋ تالابى كەيدە قازاقستاندىقتاردا ءبىر ءماندى ەمەس رەاكتسيا تۋدىرادى دەگەن پىكىرگە كەلدى.
لينگۆيست انار فازىلجاننىڭ پىكىرىنشە, ءتىلدىڭ ساپالى جۇمىس ىستەۋىنە بىرنەشە فاكتور كەدەرگى كەلتىرەدى. بۇل قازاق تىلىندەگى كونتەنتتىڭ ساپاسىنىڭ تومەندىگى, ونى ءتۇرلى سالاداعى مامانداردىڭ يەمدەنبەۋىنىڭ بەلگىسى. بۇگىنگى تاڭدا لاتىن ءالىپبيىن قولدانۋ ەرەكشە نازار اۋدارۋدى تالاپ ەتەدى. سول سەبەپتەن بۇل ماسەلەگە بىرىڭعاي ستاندارتتى ەنگىزۋ قاجەت, دەپ ەسەپتەيدى فيلولوگ.
انار فازىلجاننىڭ ايتۋىنشا, لاتىنداندىرۋ - جاھاندىق ۇدەرىستەردىڭ ءبىرى. لاتىن قارپى ءداستۇرلى گرافيكامەن قاتار قىتايدا, ءازىربايجاندا جانە ازيا قۇرلىعىنىڭ باسقا ەلدەرىندە قولدانىلادى. ەلىمىزگە «مەملەكەتتىك ءتىل تۋرالى» جاڭا زاڭ قاجەت, وندا مەملەكەتتىك ءتىلدى ءبىلۋ - ءاربىر ازاماتتىڭ پارىزى دەپ جازىلعانى قۇبا-قۇپ بولار ەدى, دەپ ەسەپتەيدى لينگۆيست.
ساراپشىلاردىڭ پىكىرىنشە, الماتى جۇرتشىلىعى ۇكىمەتتىك ەمەس سەكتوردىڭ ەنجارلىعىنا الاڭداۋلى. قازاقستاندا 22 مىڭنان استام ۇەۇ تىركەلگەن. الايدا, ولاردىڭ تەك 5 مىڭعا جۋىعى بەلسەندى جۇمىس ىستەيدى.
«قازاق ادەبيەتى» گازەتىنىڭ باس رەداكتورى داۋرەن قۋات جاستارعا قولدانىستاعى مەملەكەتتىك باعدارلامالاردى ءتۇسىندىرۋ بويىنشا باستاما كوتەرمەيدى, دەپ ەسەپتەيدى.
ۇەۇ قىزمەتىنىڭ تاقىرىبى قازاق ۇلتتىق ۋنيۆەرسيتەتىندە جالعاسىن تاپتى.
«مەملەكەتتىك ورگاندارمەن بارلىق باعىتتار بويىنشا سىندارلى ديالوگ ورناتۋ قاجەت», دەدى ايدا بالاەۆا.
قر پرەزيدەنتى اكىمشىلىگى باسشىسىنىڭ ورىنباسارى الداعى سايلاۋ ناۋرىز ايىندا قوعامدىق كەڭەستەردىڭ بەلسەندى اتسالىسۋىمەن ءوتۋى ءتيىس ەكەنىن اتاپ ءوتتى.
«مەملەكەتتىك ورگاندارمەن تىعىز جۇمىس ىستەگەن كەزدە جۇرتشىلىقتىڭ ۇسىنىستارى تىڭدالىپ قانا قويماي, ىسكە اسىرىلاتىن بولادى», دەپ قوستى ايدا بالاەۆا.
كەزدەسۋدە اقپاراتتىق كەڭىستىك تە تاعى ءبىر قىزۋ تالقىلاۋدىڭ تاقىرىبىنا اينالدى. قاتىسۋشىلاردىڭ پايىمداۋىنشا, ءداستۇرلى باق-قا قاراعاندا, بلوگەرلەر كوبىنەسە تەك ءوز پىكىرلەرىن بىلدىرەدى, ال كەيدە تەكسەرىلمەگەن اقپاراتتى دا جاريالايدى.
ايدا بالاەۆانىڭ ايتۋىنشا, كەزدەسۋدە ايتىلعان بارلىق ۇسىنىستار مەن يدەيالار زەردەلەنىپ, ولاردىڭ ىشىندەگى ەڭ سىندارلى ۇسىنىستار ىسكە اسىرىلاتىن بولادى.