«قازاقستان حالقىنا» قورىنىڭ شوتىنا ءىرى بيزنەس وكىلدەرى, كومپانيالار مەن جەكە تۇلعالار 116,8 ملرد تەڭگە اۋداردى, دەپ حابارلايدى Egemen.kz قوردىڭ ءباسپاسوز قىزمەتىنە سىلتەمە جاساپ.
وسى جىلدىڭ 16 قاڭتارى مەن 9 اقپانى ارالىعىندا زاڭدى تۇلعالار مەن ءىرى بيزنەسمەندەر 116 ملرد 762,6 ملن تەڭگە سوماسىنا 215 تولەم جاسادى.
سونداي-اق, 69 695 جەكە تۇلعادان 55 ملن تەڭگە ءتۇستى.
«قور قازاقستانداعى قايىرىمدىلىقتىڭ دامۋىنا ۇلەس قوسقانداردىڭ بارلىعىنا العىس بىلدىرەدى», دەلىنگەن حابارلامادا.