«قازاقستان رەسپۋبليكاسى پرەزيدەنتىنىڭ «سامۇرىق-قازىنا» اق-نى رەفورمالاۋ ماسەلەلەرى بويىنشا بەرگەن تاپسىرماسىن ورىنداۋ ماقساتىنداعى ءىس-شارالار جوسپارىن» جۇزەگە اسىرۋ اياسىندا KEGOC اق-دا قىزمەتكەرلەردى الەۋمەتتىك قولداۋعا قاتىستى بىرقاتار ماسەلەنى شەشتى, دەپ حابارلايدى Egemen.kz.
كومپانيادا بيىلعى اقپاننان باستاپ قىزمەتكەرلەردىڭ ەڭبەكاقىلارى مەن تاريفتىك مولشەرلەمەلەرىن, اتاپ ايتقاندا وندىرىستىك پەرسونال ءۇشىن ورتاشا العاندا 25%-عا, ينجەنەرلىك-تەحنيكالىق قىزمەتكەرلەر مەن ماماندار ءۇشىن ورتاشا العاندا 18%-عا ءوسىرۋ تۋرالى شەشىم قابىلداندى.
بۇل رەتتە توپ-مەنەدجمەنتتىڭ جانە ورتالىق اپپاراتتىڭ ورتا بۋىن باسشىلارىنىڭ جالاقىلارى كوتەرىلمەيدى.
سونىمەن قاتار توقساندىق سىياقى مولشەرى دە ءوستى, سونىڭ ەسەبىنەن جىلدىق جيىنتىق تابىس 2022 جىلى جۇمىسشى پەرسونال ءۇشىن 28%-48%-عا, ينجەنەرلىك-تەحنيكالىق قىزمەتكەرلەر مەن ماماندار ءۇشىن 15%-36%-عا جانە ورتا بۋىن باسشىلارى ءۇشىن 10%-15%-عا وسەدى.
كومپانيا ءوز قىزمەتكەرلەرىن الەۋمەتتىك قولداۋ ماسەلەلەرىنە ەرەكشە ءمان بەرەدى جانە وسى باعىتتا قابىلدانعان جۇيەلى شارالاردىڭ ارقاسىندا 10 جىل ىشىندە «سامۇرىق-قازىنا» اق پورتفەلدىك كومپانيالارى اراسىندا الەۋمەتتىك تۇراقتىلىق كورسەتكىشتەرى بويىنشا كوش باستاپ كەلەدى.