كاسىپكەرلىكتەگى جارعىلىق كاپيتال ۇلەسىنىڭ يەلەرى egov.kz ەلەكتروندى ۇكىمەت پورتالىندا ءوز ۇلەسىن سەنىمگەرلىك باسقارۋعا بەرۋ مۇمكىندىگىنە يە بولدى.
جاڭا «جارعىلىق كاپيتال ۇلەسىن سەنىمگەرلىك باسقارۋعا بەرۋ» قىزمەتىن egov.kz پورتالىندا ونلاين الۋ قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, «ۇلتتىق اقپاراتتىق تەحنولوگيالار» اق جانە قازاقستان رەسپۋبليكاسى ادىلەت مينيسترلىگىنىڭ اقپاراتتىق جۇيەلەرىن بىرىكتىرۋ ارقىلى جۇزەگە اسىرىلدى.
اتالعان قىزمەت زاڭدى جانە جەكە تۇلعالارعا قولجەتىمدى جانە تەگىن كورسەتىلەدى. جاڭا قىزمەتتىڭ كومەگىمەن قۇرىلتايشىنىڭ (جەكە تۇلعانىڭ) جارعىلىق كاپيتالداعى ۇلەستەرىن سەنىمگەرلىك باسقارۋعا بەرۋ, ۇلەستى باسقارۋعا بەرۋ مەرزىمىن وزگەرتۋ جانە سەنىمگەرلىك باسقارۋعا بەرۋدى قايتارىپ الۋ مۇمكىندىگى بار.
جاڭا «جارعىلىق كاپيتال ۇلەسىن سەنىمگەرلىك باسقارۋعا بەرۋ» قىزمەتىن پايدالانۋ ءۇشىن «ەلەكتروندى ۇكىمەت» پورتالىنا ءوتۋ قاجەت. سودان سوڭ پايدالانۋشى پورتالدا اۆتوريزاتسيادان وتەدى; قىزمەتكە ونلاين تاپسىرىس بەرۋدى باستايدى; ىشكى قىزمەتتى تاڭدايدى; مىندەتتى جولداردى تولتىرادى; اۆتوماتتى تەكسەرۋلەردەن وتەدى; قۇجاتتاردى تىركەيدى (تاڭداعان ىشكى قىزمەتكە سايكەس); وتىنىمگە ەلەكتروندى تسيفرلى قولتاڭبا ارقىلى قول قويادى; ءوتىنىمدى مەملەكەتتىك ورگانداردىڭ اقپاراتتىق جۇيەسىنە جىبەرەدى.
قىزمەت كورسەتۋ مەرزىمى تىركەۋشىنىڭ قاتىسۋىمەن eGov.kz پورتالىندا ءوتىنىش بەرىلگەن كۇننەن كەيىنگى ءۇش جۇمىس كۇننەن اسپايدى.
«جاڭا قىزمەتتىڭ ىڭعايلىلىعى – ۇيدەن شىقپاي-اق زاڭدى تۇلعانىڭ ۇلەسىن ونلاين باسقارۋعا بەرۋگە بولاتىنى. ءبىز مەملەكەتتىك ورگانمەن بىرلەسىپ قىزمەت الۋ ۋاقىتىن قىسقارتۋ اياسىندا جۇمىس ىستەپ جاتىرمىز. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسكەن جۇمىستىڭ ناتيجەسىندە تسيفرلى ترانسفورماتسيا ازاماتتار ءۇشىن دە, كاسىپ ءۇشىن دە كوپتەگەن بيزنەس-پروتسەستەردى جەڭىلدەتەدى جانە جاقسارتادى», دەپ اتاپ ءوتتى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.
قىزمەت كورسەتۋ ناتيجەسى – قىزمەت كورسەتۋ تۋرالى حابارلاما نەمەسە دالەلدى باس تارتۋ بولىپ تابىلادى.
ايتا كەتكەن ءجون, مەملەكەتتىك قىزمەتتەر تىزىمىندە 700-گە جۋىق قىزمەت پەن سەرۆيس قولجەتىمدى, ونىڭ ىشىندە 2021 جىلى egov.kz ەلەكتروندى ۇكىمەت پورتالىندا 92 %-ى اۆتوماتتاندىرىلدى. Egov.kz پورتالىنىڭ كومەگىمەن ازاماتتارعا شامامەن 50 ملن قىزمەت كورسەتىلدى, بۇل 2020 جىلمەن سالىستىرعاندا 6 ملن-عا كوپ. سونداي-اق اۆتو جانە جەكە كاسىپكەرلىكتى قايتا تىركەۋ, بالا تۋ بويىنشا جاردەماقىعا ءوتىنىش بەرۋ جانە ت.ب. مەملەكەتتىك قىزمەتتەر ەكىنشى دەڭگەيدەگى بانكتەردىڭ قوسىمشالارىنا ەنگىزىلدى, دەپ حابارلادى «ۇلتتىق اقپاراتتىق تەحنولوگيالار» اق قوعاممەن بايلانىس باسقارماسى.