قازاقستاندا ەڭ تومەنگى كۇنكورىس دەڭگەيى ءبىر جىلدا 13%-عا, 38 مىڭ تەڭگەگە دەيىن ءوستى, دەپ حابارلايدى Egemen.kz.
وسى جىلدىڭ قاڭتار ايىندا ەڭ تومەنگى كۇنكورىس دەڭگەيى 38,2 مىڭ تەڭگەنى قۇرادى — ءبىر جىل بۇرىنعىعا قاراعاندا 12,7%-عا كوپ. 2018 جىلمەن سالىستىرعاندا ەڭ تومەنگى كۇنكورىس دەڭگەيى 47,4%-عا, 2013 جىلمەن سالىستىرعاندا 2,2 ەسە ءوستى.
انىقتاما ءۇشىن: 2021 جىلى قاڭتاردا ەڭ تومەنگى كۇنكورىس دەڭگەيى جىلىنا 12,7%-عا وسكەن كەزدە 33,9 مىڭ تەڭگەنى قۇرادى. وڭىرلىك بولىنىستە ەڭ تومەنگى كۇنكورىس دەڭگەيىنىڭ ەڭ جوعارى شاماسى ماڭعىستاۋ وبلىسىندا: 41,9 مىڭ تەڭگە — ءبىر جىل بۇرىنعىعا قاراعاندا 7,8%-عا ارتىق.
ودان كەيىن ەلوردا (41,2 مىڭ تەڭگە) جانە الماتى (39,9 مىڭ تەڭگە) تۇر. توپ-5 قۇرامىنا الماتى (39,5 مىڭ تگ) جانە اقمولا (38,6 مىڭ تگ) وبلىستارى كىرگەن. ەڭ تومەنگى كۇنكورىس دەڭگەيى اقتوبە جانە باتىس قازاقستان وبلىستارىندا, سونداي-اق شىمكەنتتە تىركەلدى.
ەر ادامداردىڭ ەڭ تومەنگى كۇنكورىس دەڭگەيى بارلىق جاس ساناتىنداعى ايەلدەردىڭ ەڭ تومەنگى كۇنكورىس دەڭگەيىنەن ەداۋىر جوعارى.