بيىلعى 2 اقپاندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قازاقستان رەسپۋبليكاسىندا 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىن جانە ونى ىسكە اسىرۋ جونىندەگى ءىس-قيمىل جوسپارىن بەكىتۋ تۋرالى جارلىققا قول قويدى, دەپ حابارلايدى Egemen.kz.
ستراتەگيالىق قۇجات حالىقارالىق ستاندارتتارعا, ۇكىمەتتىك ەمەس ۇيىمداردىڭ, بيزنەس-قوعامداستىقتىڭ, مەملەكەتتىك ورگانداردىڭ, ۇيىمدار مەن ازاماتتاردىڭ ۇسىنىستارىنا نەگىزدەلگەن.
تۇجىرىمداما زارداپتارمەن كۇرەستەن سىبايلاس جەمقورلىقتىڭ العىشارتتارىن جۇيەلى تۇردە جويۋعا, جاۋاپكەرشىلىكتىڭ بۇلتارتپاستىعىن قامتاماسىز ەتۋگە, قوعامدىق سانانى تۇبەگەيلى وزگەرتۋگە باعىتتالعان.
وسى جارلىققا سايكەس قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسى جانە تيىسىنشە ونىڭ ىشكى جانە سىرتقى مونيتورينگ تەتىكتەرى (ارنايى قۇرىلعان مونيتورينگتىك توپ) كۇشىن جويعانىن اتاپ وتكەن ءجون.
تۇجىرىمدامانىڭ قوعامدىق مونيتورينگى مەملەكەتتىك ورگانداردىڭ جوبالىق وفيستەرى, قوعامدىق كەڭەستەر جانە باسقا دا تاۋەلسىز الاڭدار ارقىلى جۇزەگە اسىرىلاتىن بولادى.
ستراتەگيالىق قۇجاتتىڭ تولىق ماتىنىمەن كەلەسى سىلتەمە بويىنشا تانىسا الاسىزدار: http://adilet.zan.kz/rus/docs/U2200000802