جاڭاوزەندە جۇمىسسىز ازاماتتاردى جۇمىسقا ورنالاستىرۋ بويىنشا وبلىستىق كوميسسيا جۇمىسقا كىرىستى, دەپ حابارلايدى Egemen.kz ماڭعىستاۋ وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
«وبلىس اكىمىنىڭ ءبىرىنشى ورىنباسارى ابزال مەڭدىباەۆتىڭ توراعالىعىمەن 8 اقپاندا جاڭاوزەندە مۇناي-گاز سالاسىنداعى قىزمەتتى جۇزەگە اسىراتىن ۇيىمداردا جۇمىسقا قابىلداۋ الگوريتمىنىڭ تولىق اشىقتىعىن قامتاماسىز ەتۋ بويىنشا كوميسسيا قۇرىلدى», دەلىنگەن حابارلامادا.
كوميسسيا قۇرامىنا مەملەكەتتىك ورگانداردان باسقا, جۇمىسسىز ازاماتتار دا كىردى.
كوميسسيانىڭ نەگىزگى ماقساتى - باستاماشىل توپتىڭ بەلسەندىلەرىمەن بىرلەسىپ, ماسەلەنى شەشۋ جولدارىن قاراستىرۋ جانە ەكى تاراپقا وڭتايلى شەشىم شىعارۋ.