بۇل تۋرالى ۇكىمەتتىڭ كەڭەيتىلگەن وتىرىسىندا پرەمەر-مينيستر ءاليحان سمايىلوۆ ايتتى.مەديتسينا قىزمەتكەرلەرىنىڭ مارتەبەسىن ارتتىرۋ ماقساتىندا ولارعا ارنالعان الەۋمەتتىك كەپىلدىكتەر ۇلعايتىلىپ, جالاقىلارى 20-30%-عا كوتەرىلەدى, دەپ حابارلايدى Egemen.kz
پرەمەر-ءمينيستردىڭ سوزىنشە, دەنساۋلىق ساقتاۋ سالاسىندا العاشقى مەديتسينالىق-سانيتارلىق كومەك ۇيىمدارىنىڭ جۇمىسى جاقسارتىلادى.
«مەديتسينا قىزمەتكەرلەرىنىڭ مارتەبەسىن ارتتىرۋ ماقساتىندا ولارعا ارنالعان الەۋمەتتىك كەپىلدىكتەر ۇلعايتىلىپ, جالاقىلارى 20-30%-عا كوتەرىلەدى. ستۋدەنتتەردىڭ ستيپەنديالارى 20%-عا, ماگيسترانتتار, دوكتورانتتار مەن رەزيدەنتتەردىڭ ستيپەنديالارى 15%-عا كوبەيەدى», دەدى سمايىلوۆ.
سونىمەن قاتار ءاليحان سمايىلوۆ اۋىلدىق جەرلەردە كەمىندە 80 دەنساۋلىق ساقتاۋ وبەكتىلەرىن سالۋ كوزدەلىپ وتىرعانىن جەتكىزدى. ونىڭ ىشىندە 4 ينسۋلت ورتالىعى جانە 10 بالالاردى وڭالتۋعا ارنالعان ورتالىق اشىلادى.