ارالاس جەكپە-جەك الەمىندەگى بەدەلدى ۇيىم UFC-دە ءۇش جەكپە-جەك وتكىزىپ, بارلىعىندا قارسىلاستارىن جەدەل جەڭگەن وتانداسىمىز شاۆقات راحمونوۆ كەلەسى جەكپە-جەگىندە رەيتينگتە وزىنەن جوعارى تۇرعان سپورتشىمەن كەزدەسەدى, دەپ حابارلايدى Egemen.kz.
بۇل تۋرالى ۇيىمنىڭ رەسمي سايتى اقپارات تاراتتى.
«شاۆقات راحمونوۆ ۇيىمداعى اۋەلگى ەكى جەڭىسىنەن كەيىن كەرى شەگىنگەن جوق. ءوزىنىڭ راسىمەن مىقتى ەكەنىن كەزەكتى مارتە دالەلدەپ, ءۇشىنشى قارسىلاسىن دا ۋاقىتىنان بۇرىن جەڭدى. بۇل جولى ول تاجىريبەلى, شەبەرلىگى جوعارى سپورتشىنى ەسەڭگىرەتتى. جەكپە-جەك اياقتالعاننان كەيىن قازاق وعلانىنىڭ بويىندا تالانتتان بولەك, جەڭىسكە دەگەن جىگەر زور ەكەنى اڭعارىلدى. ول جارتىلاي ورتا سالماقتا تالاي مىقتىنىڭ مىسىن باسۋعا قابىلەتتى. قىسقاسى, شاۆقات كەلەسى شايقاسىندا رەيتينگتە 12 ورىندا تۇرعان اقش سپورتشىسى دجەفف نيلمەن كەزدەسۋى كەرەك», دەلىنگەن جازبادا.