شابىسىڭنان جاڭىلما, شاۆقات!

ارينە, وعان ەش تاڭدانۋعا بولمايدى. سپورتتىڭ وسى ءتۇ­رىن سەرىك ەتكەلى بەرى شاۆقات اي­قاس الاڭىنا 15 مارتە شى­عىپ, بارلىعىندا جەڭىسكە جەتتى. ءبىر كەرەمەتى, سول جەك­پە-جەكتەردىڭ بارلىعىن قان­داسىمىز مەرزىمىنەن بۇرىن اياق­تادى. تارقاتىپ ايتساق, تو­عىز قارسىلاسىن ول ءبىرىنشى جانە بەس قارسىلاسىن ەكىنشى كەزەڭدە ويسىراتا ۇتتى. تەك وزبەكستاننىڭ وكىلى فاريدۋن وديلوۆ ءۇشىنشى راۋندقا دەيىن شىداپ باقتى. بىراق ونىسى بەكەر ەدى. راحمونوۆ ونى باسە­كەنىڭ باسىنان اياعىنا دەيىن قۋىپ ءجۇرىپ سابادى. بۇل جەكپە-جەكتە وديلوۆ وڭباي تاياق جەدى. كەزدەسۋدىڭ اياق­تالۋىنا ەكى مينۋتتاي ۋا­قىت قالعاندا ەسىنەن تاندىردى.

كاسىبي سپورتشى بولىپ ابدەن قالىپتاسقانعا دەيىن جوق­­­شىلىقتىڭ تاۋقىمەتىن ابدەن تارتقان شاۆقات قارا جۇ­مىسقا ابدەن جەگىلگەنىن ءبىز بۇعان دەيىن دە سان رەت جاز­عان­بىز. بازاردا جۇك تە تاسى­دى, اربا دا يتەردى. دەسەك تە, ءوزىنىڭ ەڭبەكقورلىعى مەن تاباندىلىعىنىڭ ارقا­سىندا كوزدەگەن ماقسا­تىنا قول جەت­كىزدى. بۇگىنگى تاڭدا راحمونوۆ كۇللى الاش جۇرتىنىڭ عانا ەمەس, تورتكۇل دۇنيە جانكۇيەر­لەرىنىڭ قوشەمەتى مەن سۇيىس­پەنشىلىگىنە بولەنگەن مىقتى سپورتشىعا اينالدى.

قازىرگى كەزدە شاۆقاتتىڭ ەڭبەگى ماتەريالدىق تۇرعىدان لايىقتى باعالانۋدا. وسىدان ءبىر جىل بۇرىن جومارت جاندار باتىر ۇلعا Toyota Camry 70 كولىگىنىڭ كىلتىن تابىس ەتتى. ارالاس جەكپە-جەك الەمىندەگى ەڭ بەلدى ۇيىم – UFC-دەگى ءار جەكپە-جەگى مەن جەڭىسى ءۇشىن قوماقتى كولەمدە قارجى الۋدا. ماسەلەن, سوڭعى ايقاستاعى جەڭىسى ءۇشىن 94 مىڭ اقش دوللارى (20 مىڭ جەكپە-جەككە شىققانى ءۇشىن+20 مىڭ جە­ڭىسكە جەتكەنى ءۇشىن+50 مىڭ جارىستاعى ەڭ ادەمى نوكاۋت ءۇشىن+4 ىنتالاندىرۋ تولەمى) كولەمىندە سىياقى الدى. ءسوز جوق, راحمونوۆ وعان لايىق.

ءيا, ونىڭ ءبارى ءوتتى. راح­مونوۆتىڭ ءار كەزدەسۋى, ءار جە­ڭىسى تاريح قويناۋىنا كەتتى. الدا ونى جاڭا بەلەستەر كۇتىپ تۇر. ءدال قازىرگى كەزدە «شاۆ­قات الداعى ۋا­قىت­­تا كىممەن جەكپە-جەك­كە شىعادى؟» نەمەسە «UFC-ءدىڭ چەم­پيوندىق بەلبەۋى ءۇشىن قا­شان تالاسادى؟» دەگەن سى­ڭايداعى ساۋالدار بارلىق جان­كۇيەرلەردى مازالاۋدا. وسى سۇراقتىڭ جاۋابىن تابۋ ءۇشىن اتالعان پروموۋشەننىڭ رەي­تينگىنە كوز جۇگىرتكەن ءجون.

«نيگەريالىق قورقىنىش» دەگەن بۇركەنشىك ەسىممەن تانىمال 34 جاستاعى كامارۋ ۋسمان بۇل كۇندەرى UFC-ءدىڭ جار­تىلاي ورتا سالماقتاعى چەم­پيوندىق بەلبەۋىن يەلەنۋدە. اقش-تىڭ تۋى استىندا ونەر كورسەتىپ جۇر­گەن ول ءوزىنىڭ لاقاپ اتى اي­تىپ تۇر­عانداي نيگەريانىڭ بەنين-سيتي قالاسىندا دۇنيەگە كەل­دى. كەزىندە ونىڭ اتا-اناسى قارا قۇرلىقتان امەريكاعا قو­نىس اۋداردى. العاشىندا ەركىن كۇرەسپەن شۇعىلدانعان كاما­رۋ كەيىننەن ارالاس جەك­پە-جەككە دەن قويدى. 2012 جىل­دان بەرى ءتۇرلى جارىستارعا قاتىسۋدا. سول كەزدەن بەرى 21 كەز­دەسۋ وتكىزىپ, 20 رەت جەڭىسكە جەتتى. سونىڭ تەڭ جارتىسىندا ايقىن باسىمدىق تانىتتى. سپورتتىق مانسابىن باستاعان كەزدە ول حوسە كاسەراستان جە­ڭىلىپ قالعان بولاتىن. بىراق ودان كەيىن شاشاسىنا شاڭ جۇقتىرمادى. 2015 جىلدان بەرى UFC-دە باق سىناۋدا. ارا­دا ءتورت جىل وتكەننەن سوڭ تايرون ءۆۋدليدى ۇپاي سانىمەن ۇتىپ, التىن بەلبەۋدى يەلەندى. كەيىننەن ۋسمان سول اتاعىن بەس رەت ءساتتى قورعادى.

چەمپيوندى وكشەلەپ كەلە جاتقان وتە كۇشتى ءۇش سپورت­شى بار. ولار – كولبي كوۆينگ-ت­ون, گيلبەرت بەرنس جانە لەون ەدۆاردس. بارلىعى دا نا­عىز «سەن تۇر, مەن اتايىندار». كولبيدىڭ جاسى 33-تە. ول اقش-تىڭ كاليفورنيا شتاتىنىڭ تۋماسى. لاقاپ اتى – «حاوس». كوۆينگتون 19 باسە­كەنىڭ تەك ۇشەۋىندە عانا ۇتىل­دى. ەرتەرەكتە ۆارلەس ال­ۆيستەن جەڭىلسە, كەيىننەن كامارۋ ۋس­مانعا ەكى رەت ەسە جىبەردى. قال­عاندارىنىڭ بار­لىعىن سىپىرا ۇتتى.

ەكىنشى ورىندا تۇرعان گيل­بەرت بەرنس 35 جاستا. برازي­ليانىڭ ازاماتى 24 كەزدەسۋ وتكىزىپ, 20 رەت جەڭىس تويىن تويلادى. وسىدان تۋرا ءبىر جىل بۇرىن ونىڭ چەمپيوندىق بەل­بەۋدى يەلەنۋگە تاماشا مۇم­كىندىگى بولدى. بىراق شەشۋشى سىندا سول باياعى ۋسماننان تەح­نيكالىق نوكاۋتپەن ۇتىلدى. ءبىر ايتا كەتەرلىگى 2016 جىلدىڭ كۇزىندە بەرنس ءوزىنىڭ وتانداسى ميشەل پرازەريسكە جول بەرگەن. ال ءداپ سول سپورتشىنى ءبىزدىڭ شاۆقات راحمونوۆ بىلتىر جازدا قىلقىندىرىپ تاستاعانى بەلگىلى. مىنە, وسى جايتتىڭ ءوزى-اق قازاق سپورتشىسىنىڭ شىنايى الەۋەتىن بايقاتسا كەرەك.

UFC رەيتينگىندە ءۇشىنشى ساتىعا جايعاسقان لەون ەدۆاردس 1991 جىلى يامايكادا دۇنيەگە كەلدى. بۇل كۇندەرى انگليانىڭ تۋى استىندا ونەر كورسەتىپ جۇرگەن ول كەزىندە البەرت تۇ­مەنوۆ, دونالد سەررونە, رافاەل دۋس انجۋس جانە نەيت دياس سىندى ساڭلاقتاردى سان سوق­تىردى. وكتوگوندا 23 مارتە شىققان ول, 19 رەت ۇستەمدىك تانىتتى.

جوعارىدا ەسىمدەرى اتالعان ساڭلاقتاردان بولەك, ۆيسەنتە ليۋكە, بەلال مۇحاممەد, حورحە ماسۆيدال, ستيۆ تومپسون, نيل مەگني, شون برەدي جانە مايكل كيەسا سەكىلدى مىقتىلاردى دا ايرىقشا اتاپ وتۋگە بولادى. مىنە, وسى جىگىتتەر جارتىلاي ورتا سالماقتاعى «توپ-10» جەكپە-جەك شەبەلەرى ساناتىندا. ولاردىڭ بارلىعى دا تالاي دۇرمەككە قاتىسىپ, ۇلكەن تاجىريبە مەكتەبىنەن وتكەن ساقا سپورتشىلار.

قازىرگى كەزدە UFC-دە جار­­قىراپ جانىپ كەلە جات­قان جۇلدىزداردىڭ ءبىرى ءارى بىرەگەيى رەتىندە حامزات چي­ماەۆتىڭ ەسىمى ءجيى اتالۋدا. 27 جاستاعى چەشەنستاننىڭ تۋماسى قازىرگى كەزدە شۆەتسيادا تۇرادى. ونىڭ ارالاس جەكپە-جەكپەن اينالىسقانىنا ءتورت جىلعا جۋىقتاپ قالدى. سول ارالىقتا 10 رەت ايقاس الاڭىنا شىعىپ, بارلىعىندا ايقىن جەڭىسكە قول جەتكىزدى. 2020 جىلدىڭ جازىندا الەمدەگى ەڭ بەلدى پروموۋشەنمەن كەلىسىمشارتقا وتىرعان حامزات ءتورت كەزدەسۋىنىڭ بار­لىعىن مەرزىمىنەن بۇرىن اياق­تاپ, كوپشىلىكتىڭ كوزىنە بىردەن ءتۇستى. سول باسەكەنىڭ ۇشەۋىن­دە ول قارسىلاستارىن ءبىرىنشى راۋندتا-اق قاپى قالدىردى. ءبىر كەرەمەتى, وسى ءتورت جەكپە-جەكتە چيماەۆ وزىنە نەبارى ەكى سوققى عانا دارىتقان ەكەن.

UFC-دە ءوزىن تۇبەگەيلى مو­يىن­داتۋ ءۇشىن شاۆقات راح­مونوۆقا وسىنداي دۇلەي كۇش يەلەرىمەن ايقاسۋىنا تۋرا كەلەدى. بىراق قازاقتىڭ قايسار ۇلىنىڭ ولاردىڭ ەشقايسىنان قايمىقپايتىنىنا قىلاۋداي دا كۇمانىمىز جوق. الدا ونى بۇگىنگىدەن دە مىقتى قار­سى­لاس­تار كۇتىپ تۇر. سول جەك­پە-جەك­­­تەردە دە جەرلەسىمىز ءوز جان­­كۇيەرلەرىن جەرگە قارات­پاي­تىنىنا سەنىمدىمىز. ويت­كەنى راحمونوۆتىڭ بويىندا چەمپيونعا ءتان قاسيەتتىڭ بار­­لىعى دا بار. ول UFC-ءدىڭ التىن بەلبەۋىن يەلەنۋگە لايىق جىگىت. ولاي بولسا, العا دەيمىز! شا­بىسىڭنان جا­ڭىلما, شاۆقات!