2022 جىلعى قاڭتاردا جاپپاي تارتىپسىزدىك سالدارىنان زارداپ شەككەن شوب سۋبەكتىلەرىنە كەلتىرىلگەن شىعىنداردى وتەۋ ءۇشىن ايماقتىق كوميسسيانىڭ كەزەكتى وتىرىسىندا 337,4 ملن تەڭگە سوماسىنا 204 ءوتىنىم ماقۇلداندى.
ونىڭ ىشىندە 208,3 ملن تەڭگە سوماسىنا 111 ءوتىنىم «جاڭا الاتاۋ» قايىرىمدىلىق قورى ارقىلى جىبەرىلدى (مەملەكەتتىك كىرىستەر دەپارتامەنتىنىڭ دەرەكتەرى بويىنشا اينالىمى جوق 3 ملن تەڭگەگە دەيىنگى شىعىن سوماسى بار كاسىپكەرلەر ءۇشىن); 93 كاسىپكەرگە 129,1 ملن تەڭگە سوماسىندا وتەماقى بيۋدجەتتەن تولەنەدى (اينالىم بويىنشا رەسمي دەرەكتەرگە سايكەس, ەسەپ ايىرىسۋدىڭ وڭايلاتىلعان فورمۋلاسى بويىنشا مالىمدەلگەن شىعىننىڭ تولىق سوماسىنا). كوميسسيا جۇمىسى باستالعاننان بەرى بارلىعى 370,3 ملن تەڭگە سوماسىنا 221 ءوتىنىم ماقۇلداندى.
كوميسسيا جۇمىسى جالعاسۋدا. كاسىپكەرلەردىڭ وتىنىمدەرى ۇسىنىلعان قۇجاتتاردىڭ تولىقتىعىنا وراي مۇقيات زەردەلەنەدى جانە كوميسسيا مۇشەلەرىنىڭ اشىق داۋىس بەرۋلەرى ارقىلى قارالادى.
ەسكە سالساق, بۇرىندارى ايماقتىق كوميسسيا زالالدى وتەۋ تەتىگىندەگى كەمشىلىكتەردى انىقتاپ, ءوزىنىڭ جاقسارتۋ سيپاتىنداعى ۇسىنىستارىن ەنگىزگەن ەدى. وسىلايشا, تولەمدەردىڭ شەكتى سوماسى 5 ملن تەڭگەگە دەيىنگى جەڭىلدەتىلگەن تەتىك بويىنشا زالالدى وتەۋ تەتىگى كوزدەلگەن. بۇل زارداپ شەككەن بيزنەس سۋبەكتىلەرىن قامتۋدى ەداۋىر كەڭەيتۋگە جانە وتەماقى تولەۋدى جەدەلدەتۋگە مۇمكىندىك بەرەدى.
مەملەكەتتىك بيۋدجەت قاراجاتىمەن قاتار قورلاردىڭ جەكە قارجىسىنان دا تولەمدەر قاراستىرىلعان. وتەماقى تولەۋ تەتىگىن جەتىلدىرۋ جونىندەگى جۇمىس جالعاسۋدا.