كەزدەسۋ بارىسىندا مەملەكەتتىك حاتشى مەن ەو-نىڭ ارناۋلى وكىلى قازاقستان مەن ەۋروپا وداعى اراسىنداعى ارىپتەستىكتىڭ بارلىق باعىتتارىن, سونداي-اق, ايماقتىڭ كەڭ اۋقىمداعى ماسەلەلەرىن تالقىلادى, دەپ حابارلايدى Egemen.kz اقورداعا سىلتەمە جاساپ.
مەملەكەتتىك حاتشى ەلىمىزدىڭ سىرتقى ەكونوميكالىق جانە ينۆەستيتسيالىق ارىپتەسى ەۋروپا وداعىمەن ىقپالداستىقتى بارلىق باعىتتا دامىتۋعا باسىمدىق بەرەتىنىن اتاپ ءوتتى.
سونىمەن قاتار ەرلان قارين مەملەكەت باسشىسىنىڭ جاڭا باستامالارى مەن قوعامدىق كەلىسىم پروتسەسسىن دامىتۋ جايىندا ايتتى.
ءوز كەزەگىندە, تەري حاكالا ەۋروپا وداعى ەلىمىزدە جۇزەگە اساتىن رەفورمالارعا جان-جاقتى قولداۋ كورسەتەتىنىن جەتكىزدى.