ەلىمىزدەگى جاپپاي تارتىپسىزدىك كەزىندە تۇتقىندالعانداردىڭ قاتارىندا قازاقستاندا تىيىم سالىنعان ەكسترەميستىك اعىمداردىڭ 35 وكىلى بار ەكەنى انىقتالدى, دەپ حابارلايدى Egemen.kz.
بۇل تۋرالى ارنايى پروكۋرورلار قىزمەتىنىڭ باسشىسى ريزابەك وجاروۆ مالىمدەدى.
«قازىرگى كەزدە قاماۋعا الىنعان ازاماتتار اراسىندا تىيىم سالىنعان ەكسترەميستىك اعىمداردىڭ 35 مۇشەسى بار ەكەنى ناقتىلاندى. ماسەلەن, الماتى قالاسىندا دەسترۋكتيۆتى ءدىني اعىمنىڭ قىلمىستىق باعىتتاعى ءبىر توپ مۇشەسى قولعا ءتۇستى. قۇرىقتاۋ كەزىندە قولدانۋعا دايىن اتىس قارۋى بار ەكەنى ءمالىم بولدى. ولار ءوز ارەكەتتەرىن جاقسىلاپ جان-جاقتى جوسپارعا ساي تۇزگەن», دەدى ريزابەك وجاروۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.