ءمادريدتىڭ «اتلەتيكو» فۋتبول كلۋبىنىڭ بۇرىنعى شابۋىلشىسى ديەگو كوستا جاقىن كۇندەرى رەسەيلىك «زەنيت» نەمەسە «كراسنودار» فۋتبول كلۋبتارىنىڭ بىرىنە اۋىسۋى ىقتيمال, دەپ حابارلايدى Egemen.kz championat.com-عا سىلتەمە جاساپ.
رەسەيلىك كوماندالاردىڭ ۇسىنىس جاساعانى تۋرالى فۋتبولشىنىڭ ءوزى حابارلادى. ايتكەنمەن, ديەگو كوستا تۇركيالىق «فەنەرباحچە» كومانداسىندا ويناعاندى ءجون كورەتىنىن دە جەتكىزگەن. فۋتبولشى ءوزىن قاتارعا قوسقىسى كەلەتىن كوماندالاردان جىلىنا 2 ميلليون دوللار كولەمىندە جالاقى بەرۋدى تالاپ ەتپەكشى.
ديەگو كوستا سوڭعى رەت برازيليالىق «اتلەتيكو مينەيرو» فۋتبول كلۋبىندا ويناعان بولاتىن. ول اتالمىش ۇجىمنىڭ ساپىندا 19 مارتە جاسىل الاڭعا شىعىپ, بەس گول سوقتى. سونداي-اق ءبىر مارتە ناتيجەلى پاستىڭ اۆتورى اتانعان. ال جالپى كاسىبي مانسابىندا ديەگو لوندوندىق «چەلسي», يسپانيالىق «سەلتا» سەكىلدى كوپتەگەن كوماندالاردىڭ جەيدەسىن كيگەن ەدى.