يۋنيسەف راستاعان مالىمەتتەرگە سايكەس سيريانىڭ سولتۇستىك-باتىسىندا باستالعان زورلىق-زومبىلىق سالدارىنان التى بالا قازا تاۋىپ, تاعى بىرەۋى جاراقات الدى.
يۋنيسەف-ءتىڭ تاياۋ شىعىس جانە سولتۇستىك افريكا بويىنشا ايماقتىق ديرەكتورى مىندەتىن اتقارۋشى بەرتراند بەنۆەلدىڭ ايتۋىنشا, سيريانىڭ سولتۇستىك-باتىسىنداعى اتمەح قالاسىندا كەڭاۋقىمدى قارۋلى قاقتىعىس بولعان. كەلىپ تۇسكەن مالىمەتتەرگە سايكەس حالىق تىعىز ورنالاسقان ايماقتارعا زاقىم كەلگەن.
«جىل باسىنان بەرى كومەككە ءزارۋ 1,2 ميلليون بالا تۇراتىن سولتۇستىك-باتىس يدليب پروۆينتسياسى مەن ونىڭ ماڭىنداعى اۋدانداردا زورلىق-زومبىلىق ايتارلىقتاي ءورشىپ كەتتى», دەدى يۋنيسەف وكىلى.
سيريانىڭ وسى بولىگىندەگى كوپتەگەن وتباسى زورلىق-زومبىلىقتان قۇتىلۋ ءۇشىن اتالعان اۋدانعا قونىس اۋدارعان كورىنەدى.