اقپارات جانە قوعامدىق دامۋ مينيسترلىگى ەلىمىزدىڭ كورنەكتى جازۋشىسى, كسرو مەملەكەتتىك سىيلىعىنىڭ يەگەرى – ءابدىجامىل كارىم ۇلى نۇرپەيىسوۆتىڭ قايتىس بولۋىنا بايلانىستى مارقۇمنىڭ وتباسى مەن جاقىندارىنىڭ قايعىلارىنا ورتاقتاسىپ كوڭىل ايتتى, دەپ حابارلايدى Egemen.kz.
«بۇكىل سانالى عۇمىرىن ۇلت رۋحانياتى جولىنا ارناعان ءابدىجامىل نۇرپەيىسوۆ دارىندى قابىلەتىمەن, قارىمدى قالامگەرلىك قىرىمەن قازاق ادەبيەتىنە مول رۋحاني مۇرا قوسىپ, ارتىنا مازمۇنى توزباس ماڭگى كوركەم شىعارماشىلىق دۇنيەلەر قالدىردى.
اعامىزدىڭ ازاماتتىق بولمىسى, جارقىن بەينەسى, ەل تاۋەلسىزدىگى جولىندا اتقارعان ەسەلى ەڭبەگى قاتارى كوپ قالىڭ وقىرماندارىنىڭ ەسىندە ماڭگىلىك ساقتالاتىن بولادى.
مارقۇمنىڭ جاتقان جەرى جارىق, توپىراعى تورقا بولىپ, نۇرى پەيىشتە شالقىسىن», دەلىنگەن مينيسترلىك حابارلاماسىندا.
بۇگىن 16:35-تە «Qazaqstan» جانە 14.30, 19.30-دا «Abai tv» تەلەارنالارىنان جازۋشىنىڭ كوزى تىرىسىندە تۇسىرىلگەن «تۇلعا» حابارى كورسەتىلەدى.