ەلوردادا تۇرعىن ءۇي كەزەگىنە تۇرۋ ءتارتىبى وزگەردى

پورتال ارقىلى كەزەككە قويۋ ءۇشىن www.egov.kz تەك ەتسق قاجەت. كىرىستەر, ادرەستىك تىركەۋ, ساناتقا جاتاتىندار تۋرالى بارلىق باسقا دەرەكتەردى بازا ءوزى كورەدى.

تۇرعىن ءۇي كەزەگىنە ازاماتتاردىڭ مىناداي ساناتتارى كەزەككە تۇرا الادى:

• ۇلى وتان سوعىسىنىڭ مۇگەدەكتەرى مەن قاتىسۋشىلارى;

• جەتىم بالالار, اتا-اناسىنىڭ قامقورلىعىنسىز قالعان بالالار;

• حالىقتىڭ الەۋمەتتىك وسال توپتارى;

• كوپبالالى وتباسىلار;

• مەملەكەتتىك قىزمەتشىلەر, بيۋدجەتتىك ۇيىمداردىڭ قىزمەتكەرلەرى, اسكەري قىزمەتشىلەر, عارىشكەرلەرگە كانديداتتار, عارىشكەرلەر, ارنايى مەملەكەتتىك ورگانداردىڭ قىزمەتكەرلەرى, مەملەكەتتىك سايلانبالى قىزمەتتەردى اتقاراتىن ادامدار;

• جالعىز تۇرعىن ءۇيى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن توتەنشە جاعداي دەپ تانىلعان ازاماتتار.

حالىقتىڭ الەۋمەتتىك وسال توپتارى دەگەنىمىز كىم؟

• ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار;

• مۇگەدەك بالالارى بار نەمەسە ولاردى تاربيەلەپ وتىرعان وتباسىلار;

• كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار:

• قارت ازاماتتار;

• جەتىم بالالار, اتا-اناسىنىڭ قامقورلىعىنسىز قالعان بالالار

• كوپبالالى وتباسىلار;

• تولىق ەمەس وتباسىلار;

• I جانە II توپتاعى مۇگەدەكتەر;

• ورالماندار;

• ەكولوگيالىق ءزىلزالا, تابيعي جانە تەحنوگەندىك سيپاتتاعى توتەنشە جاعدايلار سالدارىنان ۇيىنەن ايىرىلعان ادامدار;

• مەملەكەتتىك مىندەتتەردى ورىنداۋ كەزىندە قازا تاپقان (قايتىس بولعان) ادامداردىڭ وتباسىلارى;

تۇرعىن ۇيگە كەزەككە تۇرۋ ءۇشىن قۇجاتتاردى قايدا تاپسىرۋ كەرەك؟

ەتسق كومەگىمەن www.egov.kz پورتالى ارقىلى ەلەكتروندى تۇردە.

تۇرعىن ۇيگە كەزەككە تۇرۋ ءۇشىن قانداي قۇجاتتار قاجەت؟

تەك ەتسق.

ماڭىزدى اقپارات

ەلوردا  اكىمدىگى «تۇرعىن ءۇي قورى» كوممۋنالدىق مەملەكەتتىك مەكەمەسىنىڭ مالىمەتىنشە, نۇر-سۇلتان قالاسىندا تۇرعىن ۇيگە كەزەككە تۇرۋ ءۇشىن كەمىندە ءۇش جىل تۇراقتى مەكەن جاي تىركەۋ بولۋى قاجەت.

سىزدە جانە ءسىزدىڭ وتباسىڭىزدىڭ مۇشەلەرىندە كەزەككە تۇرعان ساتتە جانە سوڭعى 5 جىلدا قر بويىنشا مەنشىك قۇقىعىندا تۇرعىن ءۇي مۇلكى بولماۋى ءتيىس.