4 اقپان كۇنى ساعات 18:00-دە «حابار», «Qazaqstan», «Qazsport» جانە «Elarna» تەلەارنالارى XXIV قىسقى وليمپيادا ويىندارىنىڭ اشىلۋ سالتاناتىن تىكەلەي ەفيردە كورسەتەدى, دەپ حابارلايدى Egemen.kz.
وتاندىق تەلەارنالار قىسقى سپورتتىڭ ەڭ تانىمال تۇرلەرى بويىنشا ترانسلياتسيالار ۇسىنادى.
تەلەارنالاردىڭ شىعارماشىلىق توبى بەيجىڭدەگى ءتۇسىرىلىم جۇمىستارىن باستادى. توپ قۇرامىندا سوچي وليمپياداسىنان اقپارات تاراتقان جۋرناليست جاندوس ايتباي, «حابار» تەلەارناسىنىڭ ءجۋرناليسى امير سامەنبەتوۆ, «Qazsport» تەلەارناسىنىڭ ءتىلشىسى ازات قادىربەك, وپەراتورلار داۋرەن جۇرقاباەۆ پەن ەسەنبەك اكىمباي بار.
قىسقى وليمپيادادان وتاندىق ارنالار 220-دان استام ترانسلياتسيا ۇسىنادى. «حابار» جانە «Elarna» 90-نان استام, «Qazaqstan» جانە «Qazsport» 130 ترانسلياتسيا كورسەتەدى.
جارىستاردى تاجىريبەلى كوممەنتاتورلار ايان كۇشباەۆ, راۋان وقاس, ەۆگەني اكمانوۆ, ەربول كايروۆ, ەسەي جەڭىس ۇلى, رۋسلان باقىتجان, تيمۋر سۇلەيمەنوۆ, سەرگەي رايليان, ەرسىن ەرىك ۇلى, ءۋاليحان قوسانباي, سامات قاناعاتوۆ, الەكساندر ولەينيك, ديدار قادىروۆ, دانيلا مالىشەۆ, جىگەر ازبەرگەن, اسەم نۇرلانوۆا, ليليانا ءالجانوۆا جانە ينديرا بەكتەنوۆا جۇرگىزەدى.
تەلەارنالار ءار جارىس كۇنىنىڭ قورىتىندىسى بويىنشا وليمپيادا كۇندەلىكتەرىن ۇسىنادى.
تەلەەفيردەن بولەك, وليمپيادا ويىندارىنىڭ تەلەۆيزيالىق ترانسلياتسيالارى ارنالاردىڭ رەسمي سايتى, ءموبيلدى قوسىمشاسى جانە youtube-ارنالارىنان كورسەتىلەدى.