اتىراۋدا بىرنەشە كاسىپورىن جالاقى تولەي الماي وتىر

وبلىس اكىمىنىڭ ءباسپاسوز قىزمەتى ءمالىم ەتكەندەي, بۇل تۋرالى الەۋمەتتىك ارىپتەستىك پەن ەڭبەك قاتىناستارىن رەتتەۋ جونىندەگى وبلىستىق كوميسسيا وتىرىسىندا بەلگىلى بولعان.

اتىراۋ وبلىسىنىڭ اكىمى ماحامبەت دوسمۇحامبەتوۆتىڭ تورعالىعىمەن وتكەن وتىرىسقا جۇمىس بەرۋشى جانە جالاقى قارىزى بار كومپانيالاردىڭ باسشىلارى قاتىستى.

وبلىستىق مەملەكەتتىك ەڭبەك ينسپەكتسيا باسقارماسىنىڭ باسشىسى يگىلىك اۋباكىروۆتىڭ ايتۋىنشا, وتكەن جىلى 83 كاسىپورىن 1 388 قىزمەتكەرگە 469,3 ملن تەڭگە جالاقى قارىزى بولعان.

«وسىعان بايلانىستى ءتيىستى شارالار قابىلدانىپ, 80 كاسىپورىندا جۇمىس ىستەيتىن 1 212 قىزمەتكەرگە تولەنۋى ءتيىس 447,8 ملن تەڭگە جالاقى بەرەشەگى وتەلدى. قازىر 3 كاسىپورىن 176 قىزمەتكەرگە 21,5 ملن تەڭگە جالاقىسىن تولەي الماي وتىر. وتكەن جىلى 45 جۇمىسشى ءوندىرىس كەزىندە ءار ءتۇرلى دەنە جاراقاتىن الدى», دەدى يگىلىك اۋباكىروۆ.

كوميسسيا وتىرىسىندا ءوڭىر باسشىسى جاۋاپتى تۇلعالارعا بىرقاتار تاپسىرما جۇكتەدى.

«بارلىق كاسىپورىن, مەردىگەر, قوسالقى مەردىگەر كومپانيالاردىڭ باسشىلارى جالاقى قارىزى قالىپتاسۋىنا جول بەرمەۋى قاجەت. مۇنداي زاڭ بۇزۋشىلىقتاردى بولدىرماۋدى باقىلاۋدا ۇستاۋدى تاپسىرامىن», دەدى اكىم.