قىزىلوردادا قالا ىشىندە جولاۋشى تاسىمالدايتىن اۆتوبۋس ورتكە وراندى, دەپ حابارلايدى Egemen.kz.
وقيعا بۇگىن, 1 اقپاندا ساعات 13.37-دە تىركەلدى. سول ۋاقىتتا قالا ىشىندە جولاۋشى تاسىمالدايتىن №1 باعدارداعى «Zhong Tong Bus» ماركالى اۆتوبۋس ورتكە وراندى. اۆتوبۋس «قىزىلوردا» اۆتوبۋس پاركى جشس-نە تيەسىلى.
«وقيعا ورنىنا ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنەن 9 قىزمەتكەر 3 كولىكپەن كەلدى. ءورت 13.49-دا وقشاۋلاندىرىلىپ, 13.53-تە تولىعىمەن ءسوندىرىلدى. اۆتوبۋستان 16 ادام ءوز كۇشىمەن قاۋىپسىز جەرگە شىعىپ ۇلگەرگەن. وقيعانىڭ ءمان-جايى انىقتالىپ جاتىر», دەدى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنەن.