بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
قازاقستاننىڭ بەلگياداعى ەلشىسى مارعۇلان بايمۇحان ناتو كاۆكاز جانە ورتالىق ازيا بويىنشا باس حاتشىسىنىڭ ارنايى وكىلى حاۆەر كولومينامەن كەزدەستى.
كەزدەسۋ بارىسىندا ارنايى وكىل قازاقستانداعى تارتىپسىزدىكتەر بارىسىندا قازا تاپقاندارعا كوڭىل ايتتى. قازاقستاندىق ديپلومات ح.كولومينانى قازاقستانداعى سوڭعى وقيعالاردىڭ سەبەپتەرى مەن سالدارى, سونداي-اق حالىقتىڭ قاۋىپسىزدىگىن قامتاماسىز ەتۋ جانە ەلدەگى قالىپتى ءومىردى قالپىنا كەلتىرۋ بويىنشا مەملەكەت قابىلداعان شارالار تۋرالى ەگجەي-تەگجەيلى حاباردار ەتتى.
قازاقستان بيلىگى مۇقيات جانە تولىققاندى تەرگەۋ جۇرگىزىپ جاتقانى, ءارى ونىڭ ناتيجەلەرى الەمدىك قوعامداستىققا ۇسىنىلاتىنىن ايتتى. م.بايمۇحان پرەزيدەنت قاسىم-جومارت توقاەۆتىڭ جاڭادان قۇرىلعان ۇكىمەتىنىڭ الدىنا قازاقستاندىقتاردىڭ ساپالى ءومىر ءسۇرۋ جاعدايلارىن جانە ەلدىڭ ودان ءارى تابىستى دامۋىن قامتاماسىز ەتۋ جونىندە ناقتى مىندەتتەر قويعانىن اتاپ ءوتتى.
سونىمەن قاتار, تاراپتار ء«بىر سەرىكتەس – ءبىر جوسپار» تۇجىرىمداماسى اياسىنداعى ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارىن, سونداي-اق اۋعانستانداعى جاعدايدى قوسا العاندا, جاھاندىق جانە وڭىرلىك قاۋىپسىزدىكتىڭ وزەكتى ماسەلەلەرىن تالقىلادى.