«قازاقفيلم» جۇمىسىمەن تانىستى

بۇل كەزدەسۋگە مادەنيەت جانە سپورت ۆيتسە-ءمينيسترى نۇرعيسا داۋەشوۆ, كسرو حالىق ءارتىسى, كينوستۋديانىڭ كوركەمدىك جەتەكشىسى ءاسانالى ءاشىموۆ, سونداي-اق كينوستۋديانىڭ اكىمشىلىك-شارۋاشىلىق ءىسى جونىندەگى ۆيتسە-پرەزيدەنتى ايدارحان ادىلباەۆ, ءوندىرىس جونىندەگى ۆيتسە-پرەزيدەنتى ايدار باتالوۆ, «قازاقفيلم» پرەزيدەنتىنىڭ ستراتەگيالىق ماسەلەلەرى بويىنشا كەڭەسشىسى ءالي شاۋكەنوۆ, ت.ب. كينو ماماندارى قاتىستى.

كەزدەسۋ بارىسىندا مينيستر كينوستۋدياداعى قازاق كينوسىنىڭ مۋزەيىن ارالاپ, ەسكى كينوكامەرالار, قولدانىلعان كوستيۋمدەر, شاكەن ايما­نوۆتىڭ جيناعان كوللەكتسياسى مەن ءوزى قولدانعان جەكە زاتتارى ساقتالعان ۇلتتىق كينو ونەرىنىڭ تاريحىنان سىر شەرتەتىن جادىگەرلەرمەن تانىستى.

سونداي-اق داۋرەن اباەۆقا 2021-2023 جىلدارعا جوسپارلانعان جاڭ­عىر­تۋ باعدارلاماسى شەڭبەرىندە ساتىپ الىنعان زاماناۋي ءتۇسىرىلىم تەحنيكاسى – كامەرالار, جارىق قۇرالدارى جانە باسقا دا جابدىقتار كورسەتىلدى. ودان بولەك سوڭعى ەكى جىلدا تۇسىرىلگەن فيلم­دەر تۋرالى جان-جاقتى باياندالىپ, ەلىمىزدىڭ باستى كينو الاڭىنىڭ بۇگىنگى تىنىس-تىرشىلىگى مەن العا قويعان جوس­پارلارى ايتىلدى. كينوستۋديانىڭ ۆيتسە-پرەزيدەنتى ايدارحان ادىلباەۆ «قازاقفيلمدى» جاڭعىرتۋ بويىنشا ەگجەي-تەگجەيلى بايانداپ, قوسىمشا قارجىلاندىرۋ مۇمكىندىگىن قاراستىرۋ تۋرالى ءوتىنىشىن ءبىلدىردى.

– «قازاقفيلم» – ەلىمىزدىڭ برەندى. كينوستۋديا ەلدىڭ كوڭىلىنەن شىعاتىن سۇبەلى تۋىندىلاردى ءتۇسىرۋى كەرەك جانە وسى باعىتتا جۇمىس ىستەۋىمىز كەرەك, – دەدى مينيستر. 

كينوستۋديانىڭ كوركەمدىك جەتەك­شىسى ءاسانالى ءاشىموۆ مادەنيەت جانە سپورت مينيسترىنە «قازاقفيلمگە» كە­لىپ, ۇلتتىق كينو ونەرىنىڭ ماسەلەلەرىنە كوڭىل بولگەنىنە العىسىن ايتتى. سون­داي-اق قازاق كينوسىنىڭ ابىزى قۇرا­مىنا ولجاس سۇلەيمەنوۆ, دۋلات يسا­بەكوۆ, سماعۇل ەلۋباەۆ سىندى باسقا دا كورنەكتى قايراتكەرلەر كىرەتىن بەدەلدى كوركەمدىك كەڭەس قۇرۋدى ۇسىندى. 

باسقوسۋدا « ۇلى دالا تاڭى» تاريحي ءفيلمىنىڭ جۇمىس نۇسقاسى تاماشالاندى. ايتا كەتسەك, ءفيلمنىڭ رەجيسسەرى اقان ساتاەۆ وقشاۋلانۋ رەجىمىندە بولعاندىقتان, كەزدەسۋگە قاتىسا المادى. الايدا ءفيلمنىڭ كورسەتىلىمىنە باستى ءرولدى سومداعان اكتەرلەر – قازاقستاننىڭ حالىق ءارتىسى تۇڭعىشباي جامانقۇلوۆ, قازاقستاننىڭ ەڭبەك سىڭىرگەن قايراتكەرى بەرىك ايتجانوۆ, ءفيلمنىڭ كەڭەسشىسى تاريحشى, پرو­فەسسور بەرەكەت كارىباەۆ, كينوستۋ­ديا­نىڭ ديرەكتورلار كەڭەسىنىڭ مۇشەسى ار­مان­جان بايتاسوۆ جانە باسقا دا ونەر قايراتكەرلەرى قاتىستى.

تاريحي كينوتۋىندىنى كورگەن قو­ناق­تار جوعارى باعا بەرىپ, ءفيلم­نىڭ تارتىمدى جەلىسى مەن باستى كەيىپ­كەر­لەردىڭ ءرولىن سومداعان اكتەرلەردىڭ شەبەرلىگىن اتاپ ءوتتى.