مەملەكەت باسشىسى قاسىم-جومارت توقاەۆ مەملەكەتتىك حاتشىنىڭ وكىلەتتىگىنە وزگەرىس ەنگىزدى, دەپ حابارلايدى Egemen.kz.
پرەزيدەنتتىڭ 25 قاڭتارداعى №787 جارلىعىنا سايكەس, مەملەكەتتىك حاتشى مىناداي وكىلەتتىكتەرگە يە:
پرەزيدەنت جارلىعىمەن مەملەكەتتىك حاتشىنىڭ بۇرىنعى فۋنكتسيالارىنا جاڭا وكىلەتتىكتەر قوسىلدى.
ەندى مەملەكەتتىك حاتشى قازاقستان پرەزيدەنتىنە ىشكى ساياسات سالاسى بويىنشا ستراتەگيالىق ۇسىنىستار ازىرلەيدى.
مەملەكەت باسشىسىنىڭ تاپسىرماسىمەن پارلامەنت جانە ونىڭ پالاتالارىمەن, باسقا دا مەملەكەتتىك ورگاندارمەن, ساياسي پارتيالارمەن جانە قوعامدىق بىرلەستىكتەرمەن قارىم-قاتىناستا, سونداي-اق حالىقارالىق قارىم-قاتىناستا پرەزيدەنتتىڭ اتىنان وكىلدىك ەتەدى.
پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ قىزمەتىنە جەتەكشىلىك ەتەدى.
بۇعان قوسا "تاۋەلسىزدىك ۇرپاقتارى" گرانتىن تاعايىنداۋ جونىندەگى جۇمىستى ۇيلەستىرەدى.
سونىمەن قاتار مەملەكەتتىك حاتشى:
الەۋمەتتىك-گۋمانيتارلىق سالا ماسەلەلەرى بويىنشا: ءبىلىم, عىلىم, مادەنيەت جانە سپورتتىڭ;مەملەكەت باسشىسى جانىنداعى مىنا كونسۋلتاتيۆتىك-كەڭەسشى ورگانداردىڭ:
سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيا; مەملەكەتتىك ناگرادالار جونىندەگى كوميسسيا; ازاماتتىق ماسەلەلەرى جونىندەگى كوميسسيا; قر تۇڭعىش پرەزيدەنتى – ەلباسىنىڭ مەملەكەتتىك بەيبىتشىلىك جانە پروگرەسس سىيلىعىن بەرۋ جونىندەگى كوميسسيا; مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى جونىندەگى رەسپۋبليكالىق كوميسسيا; شەتەلدە كادرلار دايارلاۋ جونىندەگى رەسپۋبليكالىق كوميسسيا; ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىقتى بەرۋ جونىندەگى كوميسسيا; اباي اتىنداعى ادەبيەت پەن ونەر سالاسىنداعى مەملەكەتتىك سىيلىقتى بەرۋ جونىندەگى كوميسسيا; قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيا; ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا; ۇلتتىق قوعامدىق سەنىم كەڭەسى مەن جاستار ساياساتى جونىندەگى كەڭەستىڭ قىزمەتىن ۇيلەستىرەدى.پرەزيدەنت تاپسىرماسىنا سايكەس وزگە دە وكىلەتتىكتەردى جۇزەگە اسىرادى.
جارلىق قول قويىلعان كۇنىنەن باستاپ كۇشىنە ەنەدى.