نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترى ۇجىم بولىپ قالالىق №2 ەمحانادا قاۋىپتى ىندەتكە قارسى ەكپەنىڭ ءۇشىنشى كومپونەنتىن سالدىردى.
قاۋىپتى ىندەتتەن قورعانۋدىڭ جالعىز جولى – رەۆاكتسينالاۋ. سوڭعى ۋاقىتتا الەمدە دە, ەلىمىزدە دە اۋرۋ سانى قايتا وسۋدە. سوندىقتان تەاتر ديرەكتورى اسحات ماەميروۆ ءوزى باستاپ ونەر يەلەرى ەكپەنىڭ ءۇشىنشى كەزەڭىنە قاتىسىپ, مۇنىڭ حالىققا قاجەتتىلىگىن كورسەتتى.
«اقپان ايىنان باستاپ ءبىزدىڭ مۋزىكالىق جاس كورەرمەن تەاترى قويىلىمدارىن ءوز كورەرمەندەرىنە تارتۋ ەتەدى. ال كورەرمەندەردىڭ قاۋىپسىزدىگى ءبىز ءۇشىن ءبىرىنشى كەزەكتە. سوندىقتان كورەرمەندەرىمىز, قويىلىمدى قاۋىپ-قاتەرسىز ەمەن-جارقىن جوعارى كوڭىل كۇيىمەن تاماشالاپ وتىرۋى ءبىز ءۇشىن ماڭىزدى. تەاتر باسشىسى رەتىندە ءوزىم باستاپ, ارتىستەرىمىز بەن رەجيسسەرلەرىمىز رەۆاكتسينالانىپ جاتىرمىز. قازىرگى تاڭدا 20-دان استام تەاتر ءارتىسى ەكپە الدى. رەۆاكتسينالاۋ تەاتر قىزمەتكەرلەرى تولىق وتكەنشە جالعاسا بەرمەك», دەدى اسحات ماكسيم ۇلى.
الداعى ۋاقىتتا تەاترعا كورەرمەندەردىڭ كەلۋىنە مۇمكىندىكتەر جاسالۋدا. سوندىقتان ساحنادا ونەر كورسەتەتىن تەاتر ارتىستەرى ەرەجە بويىنشا ەكپەنىڭ ەكىنشى كەزەڭىنەن 6 ايدان سوڭ رەۆاكتسينادان ءوتۋى كەرەك.