سەردجو ماتتارەللا يتاليانىڭ پرەزيدەنتى بولىپ قايتا سايلاندى. اپەننين تۇبەگىندەگى ەلدە باسقارۋشى كواليتسياداعى كەلىسپەۋشىلىكتەرگە قاراماستان, مەملەكەت باسشىسى تاراپتاردىڭ قولداۋىن يەلەندى.
وسىلايشا, س.ماتتارەللا 759 داۋىسپەن ەكىنشى جەتى جىلدىق مانداتقا يە بولدى. پرەمەر-مينيستر ماريو دراگي 80 جاستاعى س.ماتتارەللانىڭ «ەلدىڭ يگىلىگى مەن تۇراقتىلىعى ءۇشىن» قىزمەتىندە قالعانىن جوعارى باعالادى. س.ماتتارەللا 3 اقپاندا وتستاۆكاعا كەتۋى كەرەك ەدى. ول مۇنىڭ الدىندا كەلەسى مەرزىمگە سايلانعىسى كەلمەيتىنىن بىرنەشە رەت ايتقان.
ماتتارەللا جەڭىسكە جەتىپ, داۋىس بەرۋ ناتيجەسى جاريالانعاننان كەيىن دەپۋتاتتار قول سوعىپ قوشەمەت كورسەتتى. وقيعاعا بايلانىستى پىكىر بىلدىرگەن م.دراگي: «سەردجو ماتتارەللانىڭ رەسپۋبليكا پرەزيدەنتى بولىپ قايتا سايلانۋى يتاليالىقتار ءۇشىن تاماشا جاڭالىق. پارلامەنتتىڭ ونى ەكىنشى مەرزىمگە قايتا سايلاۋ جونىندەگى ەرىك-جىگەرىن قولداعانى ءۇشىن العىس ايتامىن», دەدى.