قوس رەفورما قاتار جۇرەدى

اڭگىمە ەڭ الدىمەن الما­تى قالاسىندا ورىن العان وقي­عالارعا قاتىستى ءوربىدى. بۇل جەر­دە قاسىم-جومارت توقاەۆ تەررو­ريستىك شابۋىلداردىڭ ۇيىم­داسقان سيپاتىن ايعاقتايتىن كەي­بىر جايتتار تۋرالى ايتىپ بەردى. ولاردى وتكىزۋ ءۇشىن گاس­تار­بايتەرلەر رەتىندە الماتى اۋە­جايىنا ارنايى دايىن­دالعان سودىرلار توبى كەلىپ, شە­كارالىق باقىلاۋدان وت­كەن. بۇعان قاتىستى پرەزيدەنت: «بۇل ناعىز سوعىس بولدى», دەدى. بەيبىت شەرۋلەردىڭ ارتىندا توناۋشىلار مەن بۇزاقىلار, سودان كەيىن قارۋلى بانديتتەر تۇردى.

ءجۋرناليستىڭ وسى شا­بۋىل­دار­دىڭ ۇيىمداستىرۋشىسى كىم ەكەندىگى تۋرالى سۇراعىنا وراي پرەزيدەنت تەرگەۋدىڭ اياق­تالۋىن كۇتكەن ءجون ەكەنىن ايتتى. بۇل قاسىرەتتى قاڭتارداعى وقي­عالاردىڭ تولىق كورىنىسىن بەرۋى كەرەك قۇقىق قورعاۋ ورگان­دا­رىنىڭ ميسسياسى دەپ سانايتىنىن جەتكىزدى. بۇل, ارينە, وعان ءتان ديپلوماتيالىق ءتاسىل – اسىعىس قورىتىندى جاساماۋ.

پرەزيدەنت قيىن-قىستاۋ ساتتە وقۋ-جاتتىعۋلاردا پىسىق­تالىپ, قاعازعا جازىلعان تەتىك­تەر «ىستەن شىقتى» دەپ باتىل ايت­تى. ءىس-قيمىلدىڭ ناقتى الگو­ريتمى بولعان جوق, كۇشتىك ۆەدومستۆولاردىڭ كەيبىر باسشىلارى قاجەتتى شەشىمدەر قابىلداماعانىن ايتتى.

ول سونداي-اق اقپارات «ماي­­دا­ن­ىنداعى» ساتسىزدىكتى مو­يىن­­دادى. پرەزيدەنت تاپسىر­ما­لا­رى حالىققا دۇرىس تۇسىندىرىل­مەگەنىن جەتكىزدى.

مەملەكەت باسشىسى بۇل كۇن­دەرى قيىن شەشىمدەر قابىلداۋعا تۋرا كەلگەنىن اتاپ ءوتتى. مەنىڭ ويىمشا, كەز كەلگەن ينسينۋاتسيا اياسىندا بۇل ونىڭ ومىرلىك تاجىريبەسى, جوعارى مادەنيەتى مەن اقىل-ويىنان حابار بەرەتىن قيىن شەشىم بولدى. 

ەلگە, ازاماتتاردىڭ قاۋىپ­سىز­دىگىنە جاۋاپتى پرەزيدەنت رەتىندە ول جاعدايدى وزگەرتۋگە جانە كونستيتۋتسيالىق ءتارتىپ­تى قالپىنا كەلتىرۋگە ىقپال ەتەتىن شەشىمدەر قابىلداۋ كە­رە­­گىن جەتكىزدى. ۇقشۇ بىتىم­گەر­­شىلىك كون­تينگەنتىن قازاق­ستان­عا شاقى­رۋ ءبىر جاعىنان كۇت­­پەگەن جانە ءتيىمدى شەشىم بول­دى. قاسىم-جومارت توقاەۆ اتاپ وتكەندەي, ول جاعداي­دى تۇ­راق­تاندىرۋدا پسيحولوگيا­لىق ءرول اتقاردى.

قاسىرەتتى قاڭتار ساباق­تارىن ەسكەرە وتىرىپ, مەم­لەكەت باسشىسى كەز كەلگەن قيىن­دىق­تاعى سىن-قاتەرلەرگە جاۋاپ بە­رەتىن ۇلتتىق قاۋىپسىزدىك جۇيە­سىن قايتا قۇرۋ قاجەتتىگى تۋرالى مالىمدەدى.

قاسىم-جومارت توقاەۆ ديپلومات جانە تاجىريبەلى ساياسات­كەر رەتىندە ەل ەكونوميكاسى مەن ونىڭ ازاماتتارىنىڭ يگىلىگى ءۇشىن بەيبىت ىنتىماقتاستىق قا­عي­دات­تارىنا بەرىك ەكەنىن راستادى.

ول كادرلىق تاعايىنداۋلارعا دا توقتالىپ, ونىڭ بارلىعى تەك باسشىلاردىڭ قۇزىرەتى مەن ىسكەرلىك قاسيەتتەرىن ەسكەرە وتىرىپ جاسالاتىنىن ايتتى.

پرەزيدەنت پارلامەنتتىك جانە پارتيالىق جۇيەنى وزگەر­تۋ تۋرالى ويىمەن ءبولىستى. ياعني ەكونوميكالىق قايتا قۇرۋ­لار­مەن قاتار, ساياسي رەفورمالار دا جوسپاردا تۇر. دەمەك بۇل – قوس رەفورما قاتار جۇرەدى دەگەن ءسوز.

وسى قيىن-قىستاۋ كۇندەردە مەملەكەت باسشىسى بىرنەشە رەت ەفيرگە شىعىپ, كاسىپكەرلەرمەن كەزدەسۋگە, قاۋىپسىزدىك كەڭە­سىنىڭ وتىرىسىنا, Nur Otan پار­تيا­سىنىڭ سەزىنە, مەملەكەتتەر باسشىلارىنىڭ سامميتىنە قا­تىستى. مۇنىڭ بارلىعى, ارينە, ونىڭ جاۋاپكەرشىلىك سەزىمى جانە جاعدايدى وبەكتيۆتى باعالاۋعا, باستىسى كورۋگە جانە اقىلعا قونىمدى شەشىمدەر قابىلداۋعا كومەكتەسەتىن ەرەكشە ساياسي تاجىريبەسىن اڭعارتادى.

ءبىز, ءوز كەزەگىمىزدە, وسىنى ۇعىنا وتىرىپ, پرەزيدەنت جا­ريالاعان ەكونوميكالىق, ساياسي جانە الەۋمەتتىك رەفورمالاردى ىسكە اسىرۋ ءۇشىن بارلىق كۇش-جىگەرىمىزدى جۇمساۋىمىز قا­جەت. بۇل رەتتە بولاشاق ءۇشىن قاي­تا قۇرۋلار جولىنداعى سەنىم­دى نەگىز بولاتىن بىرلىك پەن تۇ­تا­س­تىقتى كورسەتۋ ماڭىزدى.

يۋسۋپ كەليگوۆ,

قحا كەڭەسىنىڭ, نۇر-سۇلتان قالالىق Nur Otan پارتياسى ساياسي كەڭەسى بيۋروسىنىڭ مۇشەسى