وبلىستىق پوليتسيا دەپارتامەنتىنىڭ ءباسپاسوز قىزمەتى جول-كولىك اپاتى بۇگىن, ساعات 16:00 شاماسىندا بولعانىن مالىمدەدى, دەپ جازادى Egemen.kz.
اتىراۋ وبلىسىنىڭ دوسسور كەنتىنەن ماڭعىستاۋ وڭىرىندەگى بەينەۋ اۋدانى باعىتىنا قاتىنايتىن تاس جولدىڭ 71-شاقىرىمىندا ەكى كولىك سوقتىعىسقان. ونىڭ ءبىرى – وزبەكستان رەسپۋبليكاسىندا تىركەلگەن «MAN» ماركالى جۇك تاسىمالدايتىن, ال, ەكىنشىسى – الماتى وبلىسىنىڭ تۇرعىنىنا تيەسىلى «Toyota Camry» ماركالى جەڭىل كولىك.
«جول-كولىك اپاتىنىڭ سالدارىنان «Toyota Camry» كولىگىنىڭ جۇرگىزۋشىسى مەن 4 جولاۋشىسى وقيعا ورنىندا مەرت بولدى. كوز جۇمعانداردىڭ ەكەۋى – كامەلەت جاسىنا تولماعان ءجاسوسپىرىم», دەپ ءمالىم ەتتى ءباسپاسوز قىزمەتىنەن.
پوليتسيا قىزمەتكەرلەرى جول-كولىك اپاتىنا بايلانىستى تەرگەۋ امالدارىن جۇرگىزۋدە.