ەرتەڭ, 19 ناۋرىز كۇنى استانانىڭ «بارىس» كلۋبى قاتىسىپ جاتقان گاگارين كۋبوگى پلەي-وفف كەزەڭىنىڭ ەكىنشى اينالىمىنا بيلەتتەر ساتىلا باستايدى. بۇل تۋرالى «بارىس» حوككەي كلۋبىنىڭ ءباسپاسوز قىزمەتى حابارلادى.
پلەي-وففتىڭ ەكىنشى اينالىمىنىڭ ءبىرىنشى ويىندارى استانادا 21-22 ناۋرىزدا وتەدى. «بارىستىڭ» قارسىلاسى بۇگىن ۋفا قالاسىنىڭ «سالاۆات يۋلاەۆ» پەن نيجني نوۆگورود قالاسىنىڭ «تورپەدو» كوماندالارىنىڭ اراسىندا وتەتىن سوڭعى كەزدەسۋدە شەشىلەدى. قازىر كلۋبتاردىڭ اراسىنداعى التى ماتچتان كەيىنگى جالپى ەسەپ – 3:3. ءسويتىپ, ءتورت جەڭىسكە دەيىن سوزىلاتىن سەريادا «بارىستىڭ» كەلەسى قارسىلاسىنىڭ كىم بولاتىنىن بۇگىن كەشكە عانا بىلە الامىز. بۇل ماتچ استانا ۋاقىتىمەن ساعات 19.00-دە باستالادى. ەسكەرتە كەتەتىن جاعداي, «بارىس» حك سايتىنان ويىن بيلەتتەرىن ساتىپ الۋعا بولادى.
داستان كەنجالين.
دەرەككوز: hsbarys.kz
فوتو: hsbarys.kz