قازاقستان جاستار كومانداسى (U-19) ارمەنيادا جولداستىق كەزدەسۋ وتكىزەدى. بۇل تۋرالى قازاقستان فۋتبول فەدەراتسياسىنىڭ ءباسپاسوز قىزمەتى مالىمدەدى.
جاستار قۇراماسى ەلوردادا وقۋ-جاتتىعۋ جيىنىن وتكىزگەننەن كەيىن كوماندا ارمەنياعا اتتانادى. وندا ولار وسى ەلدىڭ قۇراماسىمەن 2 ماتچ وينايدى. 19 جاسقا دەيىنگى قازاقستان قۇراماسى 8 اقپاندا ەرەۆانعا اتتانادى.
ايتا كەتەيىك, بيىلدان باستاپ ەلىمىزدىڭ جاستار قۇراماسىن بەلگىلى باپكەر ۆاحيد ماسۋدوۆ جاتتىقتىرادى. بۇعان دەيىن ول «اقتوبە» كلۋبىنىڭ تىزگىنىن ۇستاعان بولاتىن. ال بىلتىر U-19 قۇراماسىن الەكساندر كۋزنەتسوۆ جاتتىقتىرعان ەدى.