يندۋستريا جانە ينفراقۇرىلىمدىق دامۋ مينيسترلىگىنىڭ اقپاراتى بويىنشا ەلىمىزدەگى كوپ پاتەرلى ۇيلەردىڭ 75%-دا جاي سەرىكتەستىك جانە مەنشىك يەلەرىنىڭ بىرلەستىگى قۇرىلدى. ەندى E-gov پورتالىندا ەلەكتروندى تسيفرلى قولتاڭبا (ەتسق) كومەگىمەن پاتەر يەلەرىنىڭ جينالىسىن وتكىزۋگە جانە ءۇيدى باسقارۋ نىسانىنا قاتىستى داۋىس بەرۋگە بولادى.
بۇگىنگى تاڭدا قازاقستاندا 34 933 ءۇي باسقارۋدىڭ جاڭا تۇرىنە كوشتى. ونىڭ ىشىندە 2 852 ۇيدە م ۇلىك يەلەرىنىڭ بىرلەستىگى (ميب), 32 081 ۇيدە جاي سەرىكتەستىك قۇرىلدى. بۇل – ەلدەگى كوپ پاتەرلى تۇرعىن ءۇي قورىنىڭ 75%-نان استامى.
باسقارۋدىڭ جاڭا نىساندارىنا كوشكەن كوپ پاتەرلى ۇيلەر سانى الماتى قالاسىندا (3 523), شىعىس قازاقستان (2 789), اقمولا (2 523) جانە قوستاناي (2 451) وبلىستارىندا كوپ.
ەستەرىڭىزگە سالا كەتەيىك, كوپپاتەرلى تۇرعىن ۇيلەردى باسقارۋ سالاسىندا جۇمىس ىستەپ كەلە جاتقان پاتەر يەلەرىنىڭ كووپەراتيۆتەرى 2022 جىلعى 1 شىلدەگە دەيىن قىزمەت ەتە الادى. وسى مەرزىمنەن كەيىن ولار اكت بويىنشا بارلىق تەحنيكالىق, قارجىلىق جانە وزگە دە قۇجاتتاردى ءۇي كەڭەستەرىنە بەرىپ, زاڭنامادا ايقىندالعان تارتىپپەن تاراتىلۋعا ءتيىس.
ميب-كە كوشۋ ءراسىمىن جەدەلدەتۋ ءۇشىن E-Gov پورتالىندا جاڭا نىساندى تىركەي وتىرىپ, ەلەكتروندى داۋىس بەرۋ قىزمەتى ىسكە قوسىلعان.
اۆتورلاندىرۋ ەتسق كومەگىمەن جۇرگىزىلەدى. وندا اۆتوماتتى تۇردە تىركەۋدەن وتۋگە, «مەنشىك يەسى» مارتەبەسىن راستاۋعا جانە ءوز ءۇيى بويىنشا داۋىس بەرۋگە باستاما كوتەرۋگە بولادى. جينالىستىڭ كۇن ءتارتىبىن ايقىنداعاننان كەيىن مەنشىك يەلەرى جينالىسقا سىلتەمە بويىنشا كىرىپ, تاڭداۋىن جاساپ, ەتسق-مەن قول قويادى.
ءۇيدى باسقارۋدىڭ جاڭا فورمالارى تۋرالى zhkh.kz پورتالىنان تولىعىراق بىلۋگە بولادى. ال تاقىرىپقا قاتىستى سۇراقتارىڭىزدى suraqtar.kz سايتىندا قويا الاسىزدار.