«قاڭتار قاسىرەتى» دەپ اتالىپ كەتكەن ەلدەگى توتەنشە جاعداي كەزىندە كاسىپكەرلىك سالاسى كوپ شىعىنعا ۇشىرادى. تەرىس پيعىلدى توپتار بيزنەس نىساندارىن قيراتىپ, ورتەپ, تونادى. مىنە, ءدال وسىنداي الماعايىپ شاقتا مىڭداعان كاسىپكەردىڭ باسىن بىرىكتىرىپ وتىرعان «اتامەكەن» ۇلتتىق كاسىپكەرلەر پالاتاسى ەدەل-جەدەل قيمىلداپ, زارداپ شەككەن بيزنەس وكىلدەرىنە قولداۋ كورسەتتى. ءارى-ءسارى كۇي كەشكەن كاسىپكەرلەرگە بارىنشا دەمەۋ بولدى.
جەدەل جەلىنىڭ جاردەمى
اتاپ وتەرلىگى, «اتامەكەن» ۇلتتىق كاسىپكەرلەر پالاتاسى پرەزيدەنت قاسىم-جومارت توقاەۆتىڭ قازاقستانعا ۇجىمدىق قاۋىپسىزدىك تۋرالى شارت ۇيىمىنىڭ اسكەرىن ەنگىزۋ تۋرالى شەشىمىن قولداپ, قۋاتتادى. ويتكەنى ەلدەگى جاپپاي تولقۋلار تەررورلىق شابۋىلدارعا ۇلاسىپ, جاعداي ءتىپتى ۋشىعىپ كەتتى. ب ۇلىكشىلەر اۋرۋحانالاردى, ازىق-ت ۇلىك دۇكەندەرى مەن بانكتەردى, ساۋدا ورتالىقتارى مەن ءدامحانالاردى, باسقا دا نىسانداردى قيراتتى, تونادى. پرەزيدەنت جەدەل شەشىم قابىلداماعان جاعدايدا وقيعانىڭ زاردابى دا وراسان بولار ەدى.
«اتامەكەن» ۇلتتىق كاسىپكەرلەر پالاتاسىنىڭ بيزنەس وكىلدەرىنە ارنالعان جەدەل جەلىسى بار ەكەنى بەلگىلى. وكىنىشكە قاراي, ەلدەگى الاساپىران كەزىندە زارداپ شەككەن كاسىپكەرلەردەن تۇسكەن قوڭىراۋ تولاستاعان جوق. سوندىقتان پالاتا جەدەل جەلىدەگى تەلەفون نومىرلەرىن كوبەيتىپ, قوسىمشا 13 ءنومىردى ىسكە قوستى. وسى ورايدا جەدەل جەلى ينتەرنەتتىڭ جوقتىعىنا قاراماستان جۇمىس ىستەگەنىن اتاپ ءوتۋ كەرەك. پالاتانىڭ call-ورتالىعى كاسىپكەرلەرمەن تاۋلىك بويى بايلانىس ورناتتى. وسىلايشا, «اتامەكەن» شىعىنعا باتقان كاسىپكەرلىك نىساندارىن سۋرەتكە, ۆيدەوعا ءتۇسىرىپ, شىعىن اكتىسىن جاساۋعا جاردەمدەستى.
2022 جىلعى 21 قاڭتارداعى جاعداي بويىنشا ەلىمىزدىڭ 9 وڭىرىندە 2 267 نىساندا ورنالاسقان 1 863 بيزنەس سۋبەكتىسىنىڭ زارداپ شەككەنى انىقتالدى. ونىڭ ىشىندە الماتى قالاسىندا 1 977 نىساندا ورنالاسقان 1 610 سۋبەكتىگە زالال كەلگەن. زارداپ شەككەن بيزنەس سالالارى: ساۋدا – 1 664; قوعامدىق تاماقتانۋ – 68; قارجى سەكتورى – 88; لوگيستيكا – 36; باق – 7.
ۇلتتىق پالاتانىڭ بايلانىس ورتالىعىنا بارلىعى 11 042 قوڭىراۋ تۇسكەن. ونىڭ ىشىندە: مارودەرلىق بويىنشا – 2 317 قوڭىراۋ, فورس-ماجور – 558, بلوكبەكەتتەر – 2, زارداپ شەككەن كاسىپكەرلەردى قولداۋ قورى بويىنشا – 33, بيزنەستى قالپىنا كەلتىرۋ جانە زارداپ شەككەن م ۇلىكتى باعالاۋ – 1 078, جەكە تۇلعالاردان تۇسكەن قوڭىراۋلار – 2 435. وڭىرلىك پالاتالارعا فورس-ماجور تۋرالى كۋالىكتەر بويىنشا 1 115 قوڭىراۋ جانە 441 ءوتىنىش تۇسكەن.
الدىن الا ەسەپكە سايكەس, زالالدىڭ جالپى سوماسى 98,1 ملرد تەڭگەگە بالانىپ وتىر. ونىڭ 94,8 ملرد تەڭگەسى الماتى قالاسىنا تيەسىلى.
قوردان قولداۋ كۇتەدى
ۇلتتىق پالاتانىڭ قولداۋىمەن ءھام كاسىپكەرلەردىڭ باستاماسىمەن جەدەل تۇردە ب ۇلىك كەزىندە زارداپ شەككەن بيزنەسكە كومەك كورسەتۋ ماقساتىندا «كۇشىمىز بىرلىكتە» قورى قۇرىلدى. ونى الماتى كاسىپكەرلەر پالاتاسى وڭىرلىك كەڭەسىنىڭ توراعاسى ماكسيم بارىشەۆ باسقاردى. تاڭداۋدىڭ م.بارىشەۆكە تۇسكەنى تەگىن ەمەس. ويتكەنى ەل بويىنشا الماتىلىق كاسىپكەرلەر كوپ زارداپ شەكتى. دەمەك, قورعا تۇسكەن قاراجات الماتى قالاسى مەن باسقا دا ايماقتا زالال شەككەن كاسىپكەرلەرگە ارنايى كوميسسيانىڭ شەشىمىمەن بولىنەتىن بولدى.
اتالعان قورعا العاشقىلاردىڭ ءبىرى بولىپ مەتسەنات, «قازازوت» اق باسشىسى باحاريدين ابلازيموۆ قوماقتى قارجى اۋداردى. ول زارداپ شەككەن كاسىپكەرلەردى قولداپ, 500 ملن تەڭگە كومەك كورسەتتى.
– الماتىدا شاعىن كاسىپكەرلەردىڭ اسحانالارى, دۇكەندەرى, شاشتارازدارى قيراتىلىپ, ورتەندى. قانشاما زات قيرادى. ولارعا كومەكتەسەتىن قور اشىلعان سوڭ, ءوزىمنىڭ ازاماتتىق بورىشىمدى وسىلاي وتەگىم كەلدى. وزگە دە كاسىپكەرلەر بۇزاقىلاردىڭ ارەكەتتەرىنەن كەيىنگى شىعىندى قالپىنا كەلتىرۋگە اتسالىسقانى قۋانتتى. ءبىزدىڭ كۇشىمىز – بىرلىكتە, – دەيدى ب.ابلازيموۆ.
«كۇشىمىز بىرلىكتە» قوعامدىق بىرلەستىگىنىڭ توراعاسى م.بارىشەۆتىڭ ايتۋىنشا, قور ەلىمىزدىڭ 14 وڭىرىندەگى بەلسەندى كاسىپكەرلەردىڭ باستاماسىمەن قۇرىلعان. ولاردىڭ قاتارىندا ءتۇرلى سالا وكىلدەرى, بيزنەس پەن قاۋىمداستىقتاردىڭ جەتەكشىلەرى بار.
– قاراجاتتى جيناۋ جانە ءبولۋ پروتسەسىن بارىنشا اشىق جۇرگىزۋ ءۇشىن قامقورشىلىق كەڭەس قۇردىق. كەڭەس مۇشەلەرى اۋديت جۇرگىزىپ, قور جۇمىسى بويىنشا بۇقارالىق اقپارات قۇرالدارىنا ەسەپ بەرەدى. وپەراتسيالىق شىعىستار, سونىڭ ىشىندە ورىنجايدى جالعا الۋ, بانك شىعىندارى قوردى قۇرۋعا باستاماشىلىق جاساعان كاسىپكەرلەردىڭ ەسەبىنەن وتەلەدى. قوعامدىق بىرلەستىكپەن ەرەكشە شارت جاساسقان ەكىنشى دەڭگەيلى ەكى بانككە العىس بىلدىرەمىز. شوت ەسەبىن جۇرگىزۋ تەگىن ىسكە اسىرىلادى, – دەيدى م.بارىشەۆ.
ونىڭ ايتۋىنشا, ءوتىنىش بەرۋشىلەرگە ىڭعايلى بولۋى ءۇشىن ارنايى infokazakhstan.kz سايتى قۇرىلعان. وندا 4-7 قاڭتارداعى تارتىپسىزدىك بارىسىندا زارداپ شەككەن سۋبەكتىلەر ءۇشىن ەلەكتروندى كەزەك ىسكە قوسىلدى. ءوتىنىش بەرۋ ءۇشىن سايتقا كىرىپ, بىرنەشە ارەكەت جاساۋ كەرەك. «كومەك قاجەت» باتىرماسىن تاڭداپ, ەلەكتروندى ءوتىنىشتى اشۋ قاجەت. وندا كومپانيا تۋرالى دەرەكتەردى تولتىرىپ, كەلتىرىلگەن زالالدى فوتو-ماتەريالدارمەن راستاعان سوڭ, وتىنىشكە ەلەكتروندى تسيفرلى قولتاڭبامەن قول قويۋ كەرەك.
– قازىردىڭ وزىندە بىزگە ءىرى, شاعىن جانە ورتا بيزنەستىڭ وكىلدەرى حابارلاسىپ جاتىر. ولاردىڭ قاتارىندا ازىق-ت ۇلىكپەن كومەكتەسكىسى كەلەتىندەر بار. كەيبىرى قۇرىلىس ماتەريالدارىن تەگىن بەرۋدە. مۇنداي ماتەريالدىق ەمەس كومەكتىڭ ءتۇرىن اكىمشىلەندىرۋ قيىنعا سوقسا دا, ءبىز دەمەۋشىلەردىڭ كومەگىنەن باس تارتپايمىز. جاناشىر جانداردىڭ بارلىعىنا العىس ايتامىز, – دەيدى م.بارىشەۆ.
ىستىق تاماقپەن قامتىدى
الماتىداعى جاعداي ۋشىعىپ تۇرعان شاقتىڭ وزىندە ۇلتتىق كاسىپكەرلەر پالاتاسى مەن قوعامدىق تاماقتانۋ قاۋىمداستىعى بىرلەسىپ, الەۋمەتتىك مەكەمەلەردىڭ قىزمەتكەرلەرىنە, اسكەريلەر مەن پوليتسەيلەرگە ىستىق تاماق جەتكىزدى. ۇساق-تۇيەك بولىپ كورىنگەنىمەن قوعام تىنىشتىعىن قامتاماسىز ەتۋ ءۇشىن وق پەن وتتىڭ ورتاسىندا جۇرگەن جاندارعا وسىنىڭ ءوزى ۇلكەن قولداۋ ەدى. بۇل رەتتە ءۇش كۇننىڭ ىشىندە ىستىق تاماقتىڭ شامامەن 6 مىڭ پورتسياسى قالالىق جانە مودۋلدىك اۋرۋحانالارعا, جەدەل جاردەم ستانسالارىنا, پەرزەنتحانالارعا, ءورت ءسوندىرۋ قىزمەتىنە, بالالار ۇيلەرىنە, سونداي-اق ىشكى ىستەر مينيسترلىگى مەن ۇلتتىق قاۋىپسىزدىك كوميتەتىنىڭ گوسپيتالدارىنا, الماتى قالاسىنىڭ اۋداندىق ىشكى ىستەر باسقارماسىنا جەتكىزىلدى.
– الماتى وڭىرلىك كاسىپكەرلەر كەڭەسىنىڭ مۇشەلەرى ەرىكتىلەر قاتارىنا قوسىلىپ, نان, سۋ تاسىدى, قاۋىپتى بولسا دا, اۋرۋحانالار مەن گوسپيتالدارعا, بالالار ۇيلەرىندەگى بەكەتتەرگە ىستىق تاماق جەتكىزدى. وسى ورايدا SMALL سۋپەرماركەتىنىڭ قىزمەتكەرلەرىنە جانە ادامدارعا جاردەمدەسۋ ءۇشىن ازىق-ت ۇلىكتى ارزان باعامەن ساتىپ الۋعا كومەكتەسكەن «بارىس» بازارىنا العىس بىلدىرەمىز, – دەيدى قوعامدىق تاماقتانۋ قاۋىمداستىعى توراعاسىنىڭ كەڭەسشىسى ۆەرونيكا نۇرپەيىسوۆا.
ايىپپۇلداردى الىپ تاستادى
اتاپ وتەرلىگى, ۇلتتىق پالاتانىڭ باستاماسىمەن «قازاقستان تەمىر جولى» ۇلتتىق كومپانياسى توتەنشە جاعداي كەزىندە بىرقاتار الىم مەن ايىپپۇلداردى الىپ تاستادى. بۇل ابدىراپ قالعان كاسىپكەرلەرگە ۇلكەن دەمەۋ بولدى. وزدەرىڭىز بىلەتىندەي, رەسپۋبليكا اۋماعىندا ەنگىزىلگەن توتەنشە جاعدايعا بايلانىستى ينتەرنەت, بانك وپەراتسيالارى جانە وزگە دە قىزمەتتەر جۇمىسىندا ىركىلىس پايدا بولدى. سونىڭ سالدارىنان كاسىپكەرلىك سۋبەكتىلەرىندە تەمىرجول كولىگىمەن جۇك تاسىمالداۋدى ۇيىمداستىرۋدا قيىندىقتار تۋىندادى.
«اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى تالعات تەمىرحانوۆتىڭ ايتۋىنشا, بۇل جاعدايلار جىلجىمالى قۇرامداردىڭ ستانسالىق, ماگيسترالدىق جانە كىرمە جولداردا توقتاپ قالۋىنا الىپ كەلدى. سالدارىنان «قازاقستان تەمىر جولى» تاراپىنان كولىك كومپانيالارى, جۇك جونەلتۋشىلەر مەن جۇك الۋشىلاردىڭ اتىنا ءتيىستى الىمدار مەن ايىپپۇلدار جازىلدى. ارتىنشا ۇلتتىق كاسىپكەرلەر پالاتاسىنىڭ ءوتىنىش جاساۋىمەن ۇلتتىق كومپانيا ەلدەگى توتەنشە جاعداي كەزىندە كاسىپكەرلەرگە سالىنعان الىمدار مەن ايىپپۇلداردى الىپ تاستاۋ ماسەلەسىن قاراستىردى.
– «تەمىر جول كولىگى تۋرالى» زاڭدى باسشىلىققا الا وتىرىپ, «قازاقستان تەمىر جولى» توتەنشە جاعداي كەزەڭىندە بارلىق وڭىردە بىرقاتار الىمدى, ايىپپۇل مەن تولەمدى ەسەپتەۋدى توقتاتۋ بويىنشا شەشىم قابىلدادى. كۇردەلى كەزەڭدە بيزنەسكە قولداۋ كورسەتكەن ۇلتتىق كومپانياعا العىس بىلدىرەمىز, – دەيدى ت.تەمىرحانوۆ.
سونىمەن قاتار ميكرو, شاعىن, ورتا جانە ءىرى كاسىپكەرلىك سۋبەكتىلەرى 2022 جىلعى 5 قاڭتاردان باستاپ قارىز الۋشىمەن كەلىسىمشارت نەگىزىندە نەسيە بەرۋشى ۇيىم ايقىنداعان كەزەڭگە نەسيە تولەمدەرىن كەيىنگە شەگەرۋ مۇمكىندىگىنە يە بولدى. مۇنىڭ ءتارتىبىن قارجى نارىعىن رەتتەۋ جانە دامىتۋ اگەنتتىگى ازىرلەپ, ارنايى بۇيرىقپەن بەكىتتى. بۇل ءتارتىپ ەكىنشى دەڭگەيلى بانكتەرگە, ميكروقارجى ۇيىمدارىنا, سونىڭ ىشىندە لومباردتار مەن نەسيە سەرىكتەستىكتەرىنە قولدانىلادى.
ەكىنشى دەڭگەيلى بانكتەر مەن ميكروقارجى ۇيىمدارى كاسىپكەرلەردىڭ وتىنىمدەرىن قاراردا ولاردىڭ قارجى جاعدايىنىڭ ناشارلاۋىن نەمەسە كەلتىرىلگەن زالالدى راستايتىن فاكتىلەرگە نازار اۋدارادى. شەشىم كاسىپكەر پايداسىنا شەشىلگەن جاعدايدا بەرىلگەن شەگەرىمگە سايكەس نەسيە تولەۋدىڭ جاڭا كەستەسى قۇرىلادى. نەسيە تولەمدەرىن كەيىنگە شەگەرگىسى كەلەتىن كاسىپكەرلەر قىزمەت كورسەتىلگەن بانك نەمەسە ميكروقارجى ۇيىمىنا 2022 جىلعى 31 قاڭتارعا دەيىن ءوتىنىم بەرۋى قاجەت.
زالال قالاي وتەلەدى؟
پرەزيدەنت قاسىم-جومارت توقاەۆتىڭ تاپسىرماسىنا سايكەس, ۇكىمەتتىك كوميسسيانىڭ وتىرىسىندا 2022 جىلعى قاڭتارداعى جەكەلەگەن وڭىرلەردەگى تارتىپسىزدىك سالدارىنان شاعىن جانە ورتا كاسىپكەرلىك سۋبەكتىلەرىنە كەلتىرىلگەن م ۇلىكتىك زالالدى وتەۋ مەحانيزمى بەكىتىلدى. جەكەلەگەن وڭىرلەردەگى تارتىپسىزدىكتەر سالدارىنان كەلتىرىلگەن زالالدى جويۋ ماسەلەلەرى جونىندەگى كوميسسياعا پرەمەر-ءمينيستردىڭ ءبىرىنشى ورىنباسارى رومان سكليار توراعالىق ەتەدى.
زارداپ شەككەن كاسىپكەرلەر كەلتىرىلگەن زالالدى وتەۋگە ءوتىنىم بارلىق قاجەتتى قۇجاتتارمەن بىرگە ەتسق-نىڭ كومەگىمەن InfoKazakhstan.kz پلاتفورماسىندا جۇزەگە اسىرىلادى. مەحانيزمگە سايكەس كاسىپكەرلەر زارداپ شەككەن ايماقتاردا وڭىرلىك كوميسسيالار قۇرىلادى. ولاردىڭ قۇرامىنا اكىمدىك, ءماسليحات, وڭىرلىك كاسىپكەرلەر پالاتالارى جانە قوعامدىق بىرلەستىكتەردىڭ وكىلدەرى كىرەدى.
وڭىرلىك كوميسسيالار زالالدى وتەۋ تۋرالى وتىنىشتەردى 5 كۇنتىزبەلىك كۇن ىشىندە قارايدى جانە ماقۇلداعان جاعدايدا, ۇسىنىلعان مالىمەتتەر مەن قۇجاتتار نەگىزىندە وڭىرلىك كوميسسيا ايقىندايتىن مولشەردە قاراجات ءبولۋ تۋرالى شەشىم شىعارىلادى.
قارجى ەلىمىزدىڭ بيۋدجەتتىك راسىمدەرىنە سايكەس م ۇلىك يەسىنىڭ وتىنىشىندە كورسەتىلگەن اعىمداعى نەمەسە جيناق شوتىنا ءتيىستى شەشىم قابىلدانعان كۇننەن باستاپ ءبىر اي ىشىندە اۋدارىلادى.
وتەۋ سوماسى م ۇلىكتىك زالالدىڭ 3 ءتۇرى بويىنشا ەسەپتەلەدى. ءبىرىنشى – ب ۇلىنگەن جىلجىمايتىن م ۇلىك بويىنشا. قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى زاڭناماسىنا سايكەس ازىرلەنگەن, ونى قالپىنا كەلتىرۋگە ارنالعان شىعىنداردىڭ سمەتاسىمەن نەمەسە كالكۋلياتسياسىمەن راستالاتىن, بۇلىنگەن جىلجىمايتىن م ۇلىكتى قالپىنا كەلتىرۋگە (جوندەۋگە) ارنالعان شىعىستار ەسەپتەلەدى.
ەكىنشى – ب ۇلىنگەن نەمەسە جويىلعان جىلجىمالى م ۇلىك نەمەسە تاۋارلى-ماتەريالدىق قۇندىلىق بويىنشا. وتەۋگە بەرىلەتىن سوما اكىمدىك نەمەسە قور ايقىندايتىن باعالاۋ جانە اۋديتورلىق كومپانيالار دايىنداعان باعالاۋ تۋرالى ەسەپ (اكت) نەگىزگە الىنا وتىرىپ ەسەپتەلەدى.
ءۇشىنشى – جوعالعان (ۇرلانعان) تاۋارلى-ماتەريالدىق قۇندىلىق جانە جابدىق بويىنشا. جوعالعان (ۇرلانعان) تاۋارلى-ماتەريالدىق قۇندىلىقتار مەن جابدىقتاردى وتەۋ سوماسىن ەسەپتەۋ كاسىپكەرلىك سۋبەكتىنىڭ 2021 جىلعى ورتاشا ايلىق اينالىمى نەگىزىندە مەحانيزممەن بەلگىلەنگەن كوەففيتسيەنتكە كوبەيتىلىپ جۇرگىزىلەدى.
م ۇلىككە باعالاۋ نەمەسە اۋديت جۇرگىزۋگە, ب ۇلىنگەن م ۇلىكتى قالپىنا كەلتىرۋگە سمەتالار جاساۋعا جانە شىعىنداردى كالكۋلياتسيالاۋعا بايلانىستى قىزمەتتەرگە اقى تولەۋ اكىمدىكتىڭ نەمەسە «كۇشىمىز بىرلىكتە» قورىنىڭ قاراجاتى ەسەبىنەن جۇزەگە اسىرىلاتىنىن اتاپ وتكەن ءجون.
بۇل رەتتە, ەگەر كاسىپكەر وڭىرلىك كوميسسيا ايقىندايتىن وتەۋ سوماسىمەن كەلىسپەسە, وندا ول قازاقستان رەسپۋبليكاسىنىڭ قىلمىستىق-پروتسەستىك كودەكسىنە سايكەس سوت-بۋحگالتەرلىك, سوت-تاۋارتانۋ نەمەسە سوت-قۇرىلىس ساراپتاماسى بەلگىلەيتىن ناقتى كەلتىرىلگەن زالال بويىنشا زالال سوماسىن وتەۋدى تالاپ ەتۋگە قۇقىلى.
بۇل مەحانيزم 2023 جىلعى 1 قاڭتارعا دەيىن قولدانىستا بولادى.
پالاتا دەرەكتەرىنە سۇيەنسەك, 2022 جىلعى 26 قاڭتارداعى (ساعات 16:00-دەگى) جاعداي بويىنشا كاسىپكەرلەر جاپپاي تارتىپسىزدىكتەردەن كەلتىرىلگەن زالالدى وتەۋگە InfoKazakhstan.kz سايتىندا 673 ءوتىنىش جۇكتەلگەن. بەرىلگەن وتىنىمدەردىڭ 261-ىنە ەلەكتروندى تسيفرلى قولتاڭبامەن (ەتسق) قول قويىلعان. ونىڭ 91 پايىزى (237 ءوتىنىم) الماتى كاسىپكەرلەرىنە, قالعان 9 پايىزى شىمكەنت قالاسى, الماتى, جامبىل, شىعىس قازاقستان جانە اقتوبە وبلىسىنا تيەسىلى.
وتەۋ تۇرىنە قاراي 240 ءوتىنىش جەڭىلدەتىلگەن مەحانيزم بويىنشا, قالعانى سوت ساراپتاماسىنىڭ قورىتىندىسى نەگىزىندە قارالادى.
261 ءوتىنىمنىڭ 68 پايىزى تاۋارلى-ماتەريالدىق قۇندىلىقتاردىڭ زالالىن كورسەتىپ تولتىرىلعان, 13 پايىزى جىلجىمايتىن م ۇلىك, 3 پايىزى جىلجىمالى م ۇلىككە قاتىستى بەرىلگەن. ال وتىنىشتەردىڭ 16 پايىزىندا زالالدىڭ ءتۇرى كورسەتىلمەگەن.
«كۇشىمىز – بىرلىكتە!» قورىنا قولداۋ كورسەتۋ ءۇشىن:
«بانكتسەنتركرەديت» اق:
قابىلداپ الۋشى: «كۇشىمىز – بىرلىكتە!» قوعامدىق بىرلەستىگى بسن 220140002583
ەسەپشوتى: KZ268562203115072353
«بانكتسەنتركرەديت» اق رەكۆيزيتتەرى: بسك/بيك (SWIFT) KCJBKZKX بسن/بين 980741000260 010000, قازاقستان, نۇر-سۇلتان ق., ەسىل اۋدانى قابانباي باتىر داڭعىلى, 15 ا.
«بانك فريدوم فينانس قازاقستان» اق:
قابىلداپ الۋشى: «كۇشىمىز – بىرلىكتە!» قوعامدىق بىرلەستىگى بسن 220140002583
ەسەپشوتى: KZ52551Z128000206KZT
«بانك فريدوم فينانس قازاقستان» اق رەكۆيزيتتەرى: بيك KSNVKZKA