تۇركىستان وبلىسى سارىاعاش اۋدانىنىڭ پوليتسەيلەرى كوشەلەردە جانە باسقا دا قوعامدىق ورىنداردا ءتيىستى قۇقىقتىق ءتارتىپتى ساقتاۋ, قىلمىستاردى ەسكەرتۋ جانە جولىن كەسۋ ماقساتىندا, رەسپۋبليكالىق «قۇقىقتىق ءتارتىپ» جەدەل-پروفيلاكتيكالىق ءىس-شاراسىن وتكىزۋدە, دەپ حابارلايدى Egemen.kz.
ءىس شاراعا جالپى 89 قىزمەتكەر جۇمىلدىرىلىپ, 14 اكىمشىلىك بولىككە بولىنگەن اۋماقتار تەكسەرىلۋدە. اۋدان اۋماعىندا تەكسەرىلگەن ۇيلەردىڭ جالپى سانى – 1689. «اتالعان شارا كەزىندە اۋدان اۋماعىندا ءتۇرلى قۇقىق بۇزۋشىلىق جاساعانى ءۇشىن 193 ادام اكىمشىلىك جاۋاپكەرشىلىككە تارتىلىپ, ولارعا قاتىستى اكىمشىلىك حاتتاما تولتىرىلدى. ونىڭ ىشىندە ماساڭ كۇيدە قوعامدىق ورىنداردا جۇرگەنى ءۇشىن سارىاعاش قالاسىندا ورنالاسقان «ۋاقىتشا بەيىمدەۋ جانە ۋىتسىزداندىرۋ ورتالىعىنا» 40 ازامات ورنالاستىرىلعان. دەسترۋكتيۆتى ءدىني اعىمداعى تىزىمدە تۇرعان 103 ازامات تەكسەرىلىپ, ونىڭ 5-ەۋىنە اكىمشىلىك حاتتاما تولتىرىلدى. ودان بولەك سارىاعاش اپب كوشى-قون قىزمەتى بولىمشەسىنىڭ قىزمەتكەرلەرىمەن اۋدان اۋماعىندا زاڭسىز جۇرگەن 35 شەتەلدىك ازامات انىقتالدى. ولارعا قر اقبتك-ءنىڭ 517-بابىمەن حاتتاما تولتىرىلىپ, اۋداندىق مامانداندىرىلعان اكىمشىلىك سوتىنا پروتسەسسۋالدىق شەشىم قابىلداۋ ءۇشىن جولداندى», دەپ جازىلعان تۇركىستان وبلىسى پد تاراتقان حابارلامادا.
اتاپ وتەيىك, «قۇقىقتىق ءتارتىپ» جەدەل-پروفيلاكتيكالىق ءىس-شاراسى كەزىندە, پاترۋلدىك پوليتسيا توبى جانە ۋچاسكەلىك پوليتسيا پۋنكتەرىندەگى جۇمىستى ۇيىمداستىرۋعا جاۋاپتى ۋچاسكەلىك پوليتسيا ينسپەكتورلارى, قارقىندى قىزمەت اتقارۋدا.