ەرلان قياسوۆ دەنساۋلىق ساقتاۋ ۆيتسە-ءمينيسترى - قازاقستاننىڭ باس مەملەكەتتىك سانيتاريا دارىگەرى قىزمەتىنەن بوساتىلدى, دەپ حابارلايدى Egemen.kz.
ول بۇل قىزمەتتە 2020 جىلدىڭ قىركۇيەگىنەن باستاپ جۇمىس ىستەدى.
ەرلان قياسوۆ 1973 جىلى الماتىدا دۇنيەگە كەلگەن. قازاق مەملەكەتتىك مەديتسينا ۋنيۆەرسيتەتىن, ورتالىق ازيا ۋنيۆەرسيتەتىن, ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.ەڭبەك جولىن 1990 جىلى الماتى جەدەل جاردەم اۋرۋحاناسىنىڭ تەراپيا بولىمشەسىنىڭ سانيتارى بولىپ باستادى. 1997-1999 جىلدارى - الماتى اۋە كولىگىندەگى ورتالىق سانيتارلىق-ەپيدەميولوگيالىق ستانتسياسىنىڭ سانيتاريا دارىگەرى, دارىگەر-ەپيدەميولوگى بولدى.
1999 جىلدان 2020 جىلعا دەيىن پرەزيدەنت ءىس باسقارماسىنىڭ مەديتسينالىق ورتالىعىنىڭ قۇرىلىمىندا - سانيتاريالىق-ەپيدەميولوگيالىق ستانتسيادا جالپى گيگيەنا بويىنشا سانيتاريا دارىگەرى, جەدەل ءبولىم مەڭگەرۋشىسى, سانەپيدقاداعالاۋ باسقارماسىنىڭ ەپيدەميولوگيالىق ءبولىمىنىڭ باستىعى, «سانيتاريالىق-ەپيدەميولوگيالىق ساراپتاما ورتالىعى» رمك ديرەكتورى جانە باسشىنىڭ ورىنباسارى قىزمەتتەرىن اتقاردى.