الماتىنىڭ تۇركسىب اۋدانى اۋماعىندا انتيتەررورلىق وپەراتسيا رەجيمى ەنگىزىلدى. بۇل تۋرالى تەرروريزمگە قارسى كۇرەس جونىندەگى قالالىق جەدەل شتاب مالىمدەدى, دەپ حابارلايدى Egemen.kz.
«تەرروريزمگە قارسى كۇرەس جونىندەگى قالالىق جەدەل شتاب 26 قاڭتار كۇنى ساعات 00:00-دەن 27 قاڭتار كۇنى تۇنگى ساعات 00:00-گە دەيىن الماتى قالاسى تۇركسىب اۋدانى اۋماعىندا انتيتەررورلىق وپەراتسيالىق رەجيم ەنگىزىلگەنىن حابارلايدى», دەلىنگەن حابارلامادا.
تەرروريزمگە قارسى ءىس-شارالار بارىسىندا 4-6 قاڭتار ارالىعىندا الماتىدا مەملەكەتتىك مەكەمەلەر مەن كوممەرتسيالىق نىساندارعا شابۋىل جاساۋعا قاتىسقان ۇيىمداسقان قىلمىستىق توپتىڭ بەس مۇشەسى ۇستالدى.
«ۇستاۋ كەزىندە كۇدىكتىلەردەن قارۋ-جاراق (پم, ماركالى تاپانشالار, شولاق مىلتىق, قارۋعا ارنالعان گيلزالار), ۇنتاق ءتارىزدى زات جانە ەرەكشە ءيىسى بار تابلەتكالار تاركىلەندى. ارنايى جانە قۇقىق قورعاۋ ورگاندارى جەدەل ىزدەستىرۋ شارالارىن جالعاستىرىپ جاتىر. قۇقىق قورعاۋ ورگاندارى جۇمىسىنا تۇسىنىكپەن قاراۋىڭىزدى, ولاردىڭ زاڭدى تالاپتارىن قاتاڭ ساقتاۋىڭىزدى سۇرايمىز», دەدى الماتى قالالىق تەرروريزمگە قارسى كۇرەس جونىندەگى جەدەل شتاب.