بۇرىنعى دەنساۋلىق ساقتاۋ ءمينيسترى ەلجان ءبىرتانوۆ ءوزىنىڭ كىناسىزدىگىنە سەنگەن جانە قولداۋ بىلدىرگەن ازاماتتارعا العىسىن ءبىلدىردى, دەپ حابارلايدى Egemen.kz.
«زاڭسىز جانە بىرجاقتى قىلمىستىق تەرگەۋ بارىسىندا ماعان كورسەتكەن شىنايى قولداۋلارىڭىز ءۇشىن بارلىقتارىڭىزعا ءوزىمنىڭ جانە وتباسىمنىڭ اتىنان العىسىمدى بىلدىرەمىن.
مەنىڭ كىناسىزدىگىمە دەگەن سەنىمدەرىڭىز ماعان وتە ماڭىزدى. وسى ۋاقىت بويى ادۆوكاتتارىممەن بىرگە كىناسىزدىگىمىزدى دالەلدەۋگە تىرىستىق. بىراق ءبىزدىڭ بارلىق ۋاجدەرىمىزدى تەرگەۋ ورگانى, قاداعالاۋ پروكۋرورلارى جانە تەرگەۋ سوتتارى ەلەۋسىز قالدىردى», دەپ جازدى ەلجان ءبىرتانوۆ الەۋمەتتىك جەلىدە.
ە. ءبىرتانوۆ پەن ونىڭ ورىنباسارى و. ابىشەۆ دەنساۋلىق ساقتاۋ مينيسترلىگىنىڭ اقپاراتتاندىرۋ پلاتفورماسىن قابىلداۋ جانە پايدالانۋعا بەرۋ ارقىلى لاۋازىمدىق وكىلەتتىكتەرىن اسىرا پايدالاندى دەگەن كۇدىككە ىلىنگەن ەدى. وسى ىسكە بايلانىستى ەرتەڭ, 2022 جىلدىڭ 26 قاڭتارىندا ساعات 14:30-دا كەزەكتى سوت وتىرىسى باستالادى. بۇرىنعى مينيستر بۇل جولى زاڭدى ءارى ءادىل ناتيجەگە قولجەتكىزەتىنىنە سەنىمدى.
«قۇرمەتتى دوستار, سىزدەر اشىق رەجيمدە وتەتىن بارلىق سوت وتىرىستارىنا قاتىسا الاسىزدار. سول كەزدە مەنىڭ ەشقانداي جەمقورلىققا بارماعانىما كوزدەرىڭىز جەتەدى», دەدى ول.