ورتالىق كوممۋنيكاتسيالار قىزمەتىندە قر ءىىم تەرگەۋ دەپارتامەنتىنىڭ باستىعى ءادىلوۆ سانجار قاڭتار وقيعاسىنا قاتىستى قوزعالعان قىلمىستىق ىستەردى تەرگەۋ بارىسى جونىندەگى جاڭا اقپاراتتاردى جاريالادى, دەپ جازادى Egemen.kz.
«الماتى, تالدىقورعان, تاراز, شىمكەنت, قىزىلوردا, وسكەمەن, سەمەي, اتىراۋ, اقتوبە قالالارىندا 1466 ءۇي-جايلارعا شابۋىل جاسالعان. ونىڭ ىشىندە 71-ءى مەملەكەتتىك مەكەمەلەر. 12-ءسى اكىمشىلىك عيماراتتار مەن 27-ءسى پوليتسيا وبەكتىلەرى. ەڭ كوپ زارداپ شەككەن بيزنەس وبەكتىلەرى. ولار زاقىم كەلتىرۋدەن بولەك تونالدى. ولاردىڭ سانى - 1595. سونداي-اق 700 اۆتوكولىك زاقىمدانىپ, جويىلدى. ونىڭ 500-دەن استامى پوليتسيا, جەدەل جاردەم, توتەنشە جاعداي مينيسترلىگى مەن وزگە ورگانداردىڭ قىزمەتتىك كولىكتەرى», دەدى سانجار ءادىلوۆ.