WBO تۇجىرىمى بويىنشا ورتا سالماق دارەجەسىندەگى الەم چەمپيونى دەمەتريۋس اندرادەنىڭ اكەسى پول اندرادە تەلەارنالاردىڭ باسشىلارى مەن پروموۋتەرلەر ورتا سالماقتاعى ۇزدىكتەردىڭ ءتۋرنيرىن ۇيىمداستىرۋعا ق ۇلىقتى ەمەستىگىن ايتتى, دەپ حابارلايدى Egemen.kz.
«ورتا سالماق دارەجەسىندە «كانەلو» كەتكەلى بەرى چەمپيوندار اراسىندا شايقاس وتكەن جوق. ۇزدىكتەر نەنى كۇتىپ جۇرگەنىن تۇسىنبەيمىن. ارينە, ءبارى «كانەلوعا» قارسى رينگكە شىعىپ, قوماقتى تابىس تاپقىسى كەلەدى. الايدا ىلعي اقشانىڭ سوڭىندا كەتۋگە بولمايدى. ورتا سالماقتىڭ دەڭگەيىن كوتەرۋ ءۇشىن مىقتىلار ءبىر-بىرىنەن قاشپاۋى كەرەك. قازىر تەلەارنا باسشىلارى بارلىق بيۋدجەتتى گەننادي گولوۆكين مەن ساۋل الۆارەسكە سالىپ ءجۇر. ولار شىن مانىندە مىقتىلارمەن جۇدىرىقتاسىپ جۇرگەن جوق. ودان گورى ۇزدىك التى بوكسشى اراسىندا تۋرنير ۇيىمداستىرسا الدەقايدا ءتيىمدى بولار ەدى», دەدى ول ءوز ويىن تۇيىندەپ.